నటి విజయనిర్మల మృతికి చంద్రబాబు సంతాపం..

ప్రముఖ సినీనటి, దర్శకురాలు విజయనిర్మల మృతిపట్ల తెలుగుదేశం పార్టీ అధ్యక్షులు చంద్రబాబు దిగ్భ్రాంతి వ్యక్తం చేశారు. ఆమె కుటుంబ సభ్యులకు, అభిమానులకు ప్రగాఢ సానుభూతి తెలిపిన చంద్రబాబు. విజయనిర్మల మృతి తెలుగు చలన చిత్రరంగానికి తీరనిలోటన్నారు. సినీనటిగా, దర్శకురాలిగా తెలుగు ఖ్యాతిని ఇనుమడింప చేశారన్నారు. సామాజిక ఇతివృత్తాలే కథాంశంగా.. అనేక కుటుంబ కథాచిత్రాలకు దర్శకత్వం వహించారని.. ఆమె సాధించిన అవార్డులు, పురస్కారాలే విజయనిర్మల ప్రతిభకు గీటురాళ్లని అన్నారు చంద్రబాబు. బాలనటిగా సినీ రంగ ప్రవేశం చేసి అత్యున్నత స్థానానికి చేరారు. విజయనిర్మల కుటుంబ సభ్యులకు, అభిమానులకు మాజీ సీఎం చంద్రబాబు ప్రగాఢ సానుభూతి తెలిపారు.