ఇంటివద్దనే సీబీఎస్​ఈ 10, 12 తరగతుల వాల్యువేష‌న్..

లాక్​డౌన్​కు ముందు నిర్వహించిన సీబీఎస్​ఈ ఎగ్జామ్ పేప‌ర్స్ మూల్యాంకనానికి సంబంధించి కీలక ప్రకటన చేశారు కేంద్ర మానవ వనరుల శాఖ మంత్రి రమేశ్ పోఖ్రియాల్. ఎగ్జామ్ పేప‌ర్స్ వాల్యువేష‌న్ టీచ‌ర్స్ ఇంటివద్దనే చేస్తారని స్పష్టం చేశారు.

” 10, 12వ తరగతులకు సంబంధించి ఇప్పటికే నిర్వహించిన ఎగ్జామ్ పేప‌ర్స్ 3 వేల స్కూల్స్ నుంచి టీచ‌ర్స్ కు చేరుతాయి. ఆదివారం నుంచి వాల్యువేష‌న్ ప్రారంభిస్తారు. ఉపాధ్యాయులు తమ ఇంటివద్ద నుంచే ఎగ్జామ్ పేప‌ర్స్ మూల్యాంకనం చేస్తారు. ఈ ప్రక్రియ పూర్తయ్య సరికి 50 రోజులు పడుతుంది” అని రమేశ్ పోఖ్రియాల్ తెలిపారు.

కరోనా వైరస్​ను అరికట్టేందుకు దేశవ్యాప్త లాక్​డౌన్​ అమ‌లవుతోన్న‌ నేపథ్యంలో పరీక్షా పత్రాల మూల్యాంకనంలో ఆలస్యం జరిగింది. సీబీఎస్ఈ 10, 12 తరగతులకు సంబంధించి లాక్‌డౌన్‌కు ముందే కొన్ని పరీక్షలను నిర్వహించారు అధికారులు. మిగిలిన ఎగ్జామ్స్ జరిగాల్సి ఉండగా వాటిని లాక్​డౌన్​ కారణంగా వాయిదా వేశారు. వీటిని జులై 1 నుంచి 15 తేదీల్లో నిర్వహించనున్నట్లు కేంద్ర మంత్రి ఇటీవలే తెలిపారు.