ఆకట్టుకుంటోన్న మెగా వారసుడి కొత్త సినిమా టీజర్.. థ్రిల్లింగ్ ఎలిమెంట్స్తో ‘ఈ కథలో పాత్రలు కల్పితం’ టీజర్.
మెగా కాంపౌడ్ నుంచి మరో హీరో ఇండస్ట్రీకి పరిచయమవుతూ తెరకెక్కుతోన్న చిత్రం ‘ఈ కథలో పాత్రలు కల్పితం’. పవన్ తేజ్ కొణిదెల ఈ సినిమాతో టాలీవుడ్ ఎంట్రీ ఇవ్వనున్నాడు. టైటిల్తోనే ఈ సినిమా ప్రేక్షకులను ఆకర్షించింది.
E kathalo paathralu kalpitam teaser out: మెగా కాంపౌడ్ నుంచి మరో హీరో ఇండస్ట్రీకి పరిచయమవుతూ తెరకెక్కుతోన్న చిత్రం ‘ఈ కథలో పాత్రలు కల్పితం’. పవన్ తేజ్ కొణిదెల ఈ సినిమాతో టాలీవుడ్ ఎంట్రీ ఇవ్వనున్నాడు. టైటిల్తోనే ఈ సినిమా ప్రేక్షకులను ఆకర్షించింది. ఇక ఫస్ట్ లుక్ పోస్టర్ కూడా సినిమాపై అంచనాలు పెంచేసిందనే చెప్పాలి. ఇదిలే ఉంటే తాజాగా చిత్ర యూనిట్ ఈ సినిమాకు సంబంధించిన టీజర్ను విడుదల చేసింది. మెగా బ్రదర్ నాగబాబు చేతులు మీదుగా విడుదల చేసిన ఈ టీజర్ ప్రేక్షకులను ఆకట్టుకుంటోంది.
టీజర్ విషయానికొస్తే.. పూర్తిగా థ్రిల్లింగ్, క్రైమ్ ఎలిమెంట్స్తో టీజర్ను రూపొందించారు. మిస్టరీగా మారిన ఓ కేసులో కొంత మంది అమ్మాయిలకు సంబంధం ఉన్నట్లు చూపించారు. చాలా రోజుల తర్వాత ‘పెళ్లి’ ఫేమ్ పృథ్వీ రాజ్ ఈ సినిమాలో నటిస్తున్నాడు. పృథ్వీ ఇందులో పవర్ ఫుల్ పోలీస్ ఆఫీసర్ పాత్రలో నటిస్తున్నాడు. పవన్ తేజ్ తొలి సినిమాలోనే యాక్షన్ సీక్వెన్స్ కాస్త ఎక్కువ ఉండేలా చూసుకుంటున్నట్లు అర్థమవుతోంది. అభిరామ్ దర్శకత్వం వహిస్తున్న ఈ సినిమాలో మేఘన హీరోయిన్గా నటిస్తోంది. మరి ఈ మెగా వారసుడు ప్రేక్షకులను ఏ మేర ఆకట్టుకుంటాడో తెలియాలంటే సినిమా విడుదల వరకు వేచి చూడాలి.