Indian Railways: భారతీయ రైల్వేలలో టెర్మినల్, జంక్షన్, సెంట్రల్ స్టేషన్ల మధ్య తేడా ఏమిటి?
రైలులో ప్రయాణించడం అనేది అత్యంత ఆకర్షణీయమైన, అత్యంత సున్నితమైన అనుభవం. రైలులో ప్రయాణిస్తున్నప్పుడు మార్గంలో అనేక స్టేషన్లకు టెర్మినల్, జంక్షన్, ఆగ్రా జంక్షన్, కాన్పూర్ సెంట్రల్ వంటి సెంట్రల్ అని పేరు పెట్టడం మీరు గమనించారా? రైల్వే స్టేషన్ బోర్డుపై ఈ పేర్లు ఎందుకు రాశారో? వాటి అర్థం ఏమిటో తెలుసా? రైల్వే స్టేషన్ ప్రాథమికంగా మూడు భాగాలుగా..
రైలులో ప్రయాణిస్తున్నప్పుడు మార్గంలో టెర్మినల్, జంక్షన్, సెంట్రల్ స్టేషన్లు వంటి పేర్లను మీరు వినే ఉంటారు. వాటి మధ్య తేడా ఏమిటో తెలుసుకోవడానికి మీరు ఎప్పుడైనా ప్రయత్నించారా? ఆ స్టేషన్లకు ఆ పేర్లను ఎందుకు పెడతారు ఎన్నో ఆసక్తికర విషయాలను తెలుసుకుందాం.
భారతీయ రైల్వేలు రైల్వే మంత్రిత్వ శాఖ ఆధ్వర్యంలో భారత ప్రభుత్వం నిర్వహిస్తుంది. ఇది ఆసియాలో అతిపెద్ద రైలు నెట్‌వర్క్, ప్రపంచంలో నాల్గవ అతిపెద్ద రైలు నెట్‌వర్క్. భారతదేశంలో రైల్వే రన్నింగ్ ట్రాక్ 92,081 కి.మీలకుపైగా విస్తరించి ఉన్నట్లు నివేదికలు చెబుతున్నాయి. ఇది భారతదేశంలో అత్యంత ముఖ్యమైన ప్రజా రవాణా. అతి తక్కువ ఛార్జీలతోనే దేశంలో ఎక్కడైన ప్రయాణించవచ్చు.
రైలులో ప్రయాణించడం అనేది అత్యంత ఆకర్షణీయమైన, అత్యంత సున్నితమైన అనుభవం. రైలులో ప్రయాణిస్తున్నప్పుడు మార్గంలో అనేక స్టేషన్లకు టెర్మినల్, జంక్షన్, ఆగ్రా జంక్షన్, కాన్పూర్ సెంట్రల్ వంటి సెంట్రల్ అని పేరు పెట్టడం మీరు గమనించారా? రైల్వే స్టేషన్ బోర్డుపై ఈ పేర్లు ఎందుకు రాశారో? వాటి అర్థం ఏమిటో తెలుసా? రైల్వే స్టేషన్ ప్రాథమికంగా మూడు భాగాలుగా విభజించారు. అవే టెర్మినల్, జంక్షన్, సెంట్రల్.
1. టెర్మినస్/ టెర్మినల్ అంటే ఏమిటి?
ట్రాక్ లేదా మార్గం ముగిసినప్పుడు స్టేషన్‌ను టెర్మినస్ లేదా టెర్మినల్ అంటారు. టెర్మినల్ అర్థం ముగింపు. రైలు మరింత ముందుకు వెళ్లని స్టేషన్ ఇది. అంటే రైలు ఒక దిశలో మాత్రమే స్టేషన్‌లోకి ప్రవేశించవచ్చు లేదా బయలుదేరవచ్చు. ఇది ట్రాక్ ముగింపు అని కూడా అర్థం చేసుకోవచ్చు. ఇక్కడ ప్రతి ఇన్‌కమింగ్ ట్రాక్ స్టాప్-బ్లాక్‌ల వద్ద ముగుస్తుంది. అంటే ఈ స్టేషన్ మీదుగా ఇతర మార్గాలకు వెళ్లేందుకు వీలుండగా. ఇది ముగింపు స్టేషన్ అని అర్థం. ఛత్రపతి శివాజీ టెర్మినస్ / విక్టోరియా టెర్మినస్, లోకమాన్య తిలక్ టెర్మినల్ దేశంలోనే అతిపెద్ద టెర్మినల్ స్టేషన్లు. రైల్వే స్టేషన్లకు ఇతర ఉదాహరణలు బాంద్రా టెర్మినస్, హౌరా టెర్మినస్, భావ్‌నగర్ టెర్మినల్, కొచ్చిన్ హార్బర్ టెర్మినస్ మొదలైనవి ఉన్నాయి.
2. సెంట్రల్ అంటే ఏమిటి?
సెంట్రల్ స్టేషన్ అంటే ఇది నగరంలో అత్యంత రద్దీగా ఉండే, అత్యంత ముఖ్యమైన స్టేషన్ అని అర్థం. ఇది సాధారణంగా చాలా పెద్దది స్టేషన్. ఈ పేరుతో ఉన్న స్టేషన్‌లో పెద్ద సంఖ్యలో రాకపోకలు కొనసాగుతుంటాయి. వివిధ స్టేషన్లు ఉంటే నగరంలో సెంట్రల్ స్టేషన్ ఉండవలసిన అవసరం లేదు. భారతదేశ రాజధాని ఢిల్లీలో సెంట్రల్ స్టేషన్ లేనట్లే. ఇవి పురాతన స్టేషన్లు కావచ్చు. అందుకే వాటికి సెంట్రల్ అని పేరు పెట్టారు. భారతదేశంలో మొత్తం 5 సెంట్రల్ స్టేషన్లు ఉన్నాయి.
1. త్రివేండ్రం సెంట్రల్
2. కాన్పూర్ సెంట్రల్
3. మంగళూరు సెంట్రల్
4. ముంబై సెంట్రల్
5. చెన్నై సెంట్రల్.
3. జంక్షన్ అంటే ఏమిటి?
ఒక స్టేషన్ నుండి కనీసం 3 మార్గాలు వెళుతున్నట్లయితే ఆ స్టేషన్‌ను జంక్షన్ అంటారు. అంటే స్టేషన్‌లోకి వచ్చే రైళ్లు కనీసం రెండు అవుట్‌గోయింగ్ రైలు లైన్‌లను కలిగి ఉండాలి. ఎత్తైన మార్గాలను కలిగి ఉన్న జంక్షన్ మధుర. ఉదాహరణలు: సేలం జంక్షన్ నుండి ఆరు మార్గాలు, విజయవాడ నుండి ఐదు. అలాగే బరేలీ జంక్షన్ నుండి 5 మార్గాలు ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి