విజయ్ పొలిటికల్ ఎంట్రీ వార్తలపై స్పందించిన సీఎం పళనిస్వామి

తమిళ స్టార్ హీరో విజయ్ పొలిటికల్ పార్టీ పెడుతున్నట్లు వస్తోన్న వార్తలపై  సీఎం పళనిస్వామి స్పందించారు. నటుడు విజయ్ రాజకీయ పార్టీ పెట్టడం ఆయన సొంత విషయమని పేర్కొన్నారు.  భారతదేశం లాంటి ప్రజాస్వామ్య దేశంలో ఎవరైనా రాజకీయ పార్టీ పెట్టడానికి హక్కు ఉందని చెప్పారు. మన రాజ్యాంగంలో ప్రతి ఒక్కరికి ఎన్నికలలో పోటీ చేసే అవకాశం ఉందన్నారు.  నటుడు విజయ్ రాజకీయ పార్టీ పెడుతున్నట్లు తెలిసిందని..ఈ పరిణామాల వల్ల తమకు ఎలాంటి ఇబ్బంది లేదని పేర్కొన్నారు.

మరోవైపు తాను పార్టీ స్థాపించలేదని స్పష్టం చేశాడు హీరో విజయ్‌. తన తండ్రి పార్టీ కోసం దరఖాస్తు చేశారని, దానికి తనకు సంబంధం లేదని వివరణ ఇచ్చాడు. అంతేకాదు ఆ పార్టీ కోసం తన ఫొటోలు కానీ పోస్టర్లు కానీ వాడుకోవడానికి వీల్లేదని హెచ్చరించాడు. దీంతో విజయ్‌, అతని తండ్రి మధ్య విభేదాలున్నాయనే విషయం బయట పడింది.

Also Read :

మాజీ మావోయిస్టు పద్మావతి అలియాస్ పద్మక్క అరెస్ట్

ఆ అడుగు పడి సరిగ్గా మూడేళ్లు

కరోనా భయం : చీరల మధ్య చదువులు