అదృష్టం అంటే ఇదే మరి.. చెత్త కుప్ప నుంచి మంత్రి ఆఫీసులోకి చేరిన మార్జాలము.. వివరాలు చూసేద్దామా..

అదృష్టం అంటే ఆ పిల్లిదే. చెత్త కుప్పలో కుక్క చావు చావాల్సిన ఆ పిల్లి ఏకంగా మంత్రి గారి ఆఫీసులోనే రాజభోగాలను అనుభవిస్తుంది. అంతే కాకుండా ప్రస్తుతం ఆ పిల్లి ఫోటోలు సోషల్ మీడియాలో తెగ వైరల్ అవుతున్నాయి. పూర్తి వివరాల్లోకెళ్తే.. గత సోమవారం రష్యాలోని ఉలియానోవ్స్కలో మున్సిపాలిటీ సిబ్బంది ఇద్దరు చెత్తను ముక్కలు చేసే మిషిన్ దగ్గర నిల్చున్నారు. అదే సమయంలో ఆ చెత్తలోని ఓ తెల్లటి ప్లాస్టిక్ కవర్ కదలడం అందులో ఒకతను గమనించాడు. వెంటనే దాని తీసుకొని ఓపెన్ చేసి చూడగా.. అందులో ఒక చిన్న పిల్లి కనిపించింది. అందుకు సంబంధించిన ఫోటోలు సోషల్ మీడియాలో తెగ వైరలయ్యాయి. దీంతో అక్కడ పర్యావరణ మంత్రిత్వ శాఖ ఆ పిల్లిని దత్తత తీసుకుంది. అంతేకాకుండా దానికి అనధికారికంగా పర్యావరణ శాఖ డిప్యూటీ మంత్రి హోదాను కల్పించింది. మంత్రి గారి ఆఫీసులోని ఓ కుర్చీలో ఆ పిల్లి నిద్రపోతున్న, ఆడుతున్న ఫోటోలను మంత్రి గుల్నారా కఖ్మతులిన సోషల్ మీడియాలో షేర్ చేశారు. అంతే కాదండోయ్ ఆ పిల్లికి ఒక పేరు పెట్టడం కోసం ఓ కంటెస్ట్‏ను కూడా పెట్టారు. ‘పిల్లులు పెంచుకునే యజమానులు వాటి బాధ్యతను సక్రమంగా వ్వహహరించాలి. మీరు వాటిని సరిగ్గా చూసుకోలేకపోతే.. మంచిగా పెంచుకునే వారికి ఆ పిల్లులను ఇచ్చేయండి’ అని మంత్రి గుల్నారా కఖ్మతులిన తెలిపారు.