మంత్రి వెల్లంపల్లి శ్రీనివాస్ ఇంట విషాదం

ఏపీ దేవదాయ శాఖ మంత్రి వెల్లంపల్లి శ్రీనివాస్ ఇంట విషాదం చోటు చేసుకుంది. ఆయన తల్లి మహాలక్ష్మమ్మ మృతిచెందారు. కొద్దిరోజులుగా అనారోగ్యంతో బాధపడుతున్న మహాలక్ష్మమ్మ ఓ ప్రైవేటు ఆసుపత్రిలో చికిత్స పొందుతూ ఆదివారం సాయంత్రం తుదిశ్వాస విడిచారు. తల్లి మరణంతో మంత్రి వెల్లంపల్లి తీవ్ర విషాదంలో ఉన్నారు. విషయం తెలుసుకున్న పలువురు మంత్రులు, ఎమ్మెల్యేలు.. వైసీపీ నేతలు వెల్లంపల్లి శ్రీనివాస్‌ని పరామర్శిస్తున్నారు. మంత్రికి తమ ప్రగాఢ సానుభూతి తెలియజేశారు. సోమవారం అంతిమ సంస్కారాలు నిర్వహించనున్నట్లు కుటుంబసభ్యులు తెలిపారు.

Share