నేడు హైదరాబాద్‌కు చంద్రబాబు..

నేడు హైదరాబాద్‌కు రానున్న ఏపీ మాజీ సీఎం, టీడీపీ అధినేత చంద్రబాబు నాయుడు. ఈ నెల 19న కుటుంబంతో కలిసి విదేశీ పర్యటనకు వెళ్లిన చంద్రబాబు.. ఇవాళ హైదరాబాద్‌కి చేరుకోనున్నారు. హైదరాబాద్‌లోని నివాసంలో ముఖ్య కార్యక్రమాలు పూర్తి చేసుకుని, రేపు అమరావతి వెళ్లనున్నారు. అనంతరం ముఖ్య నేతలతో సమావేశం కానున్నారు. చంద్రబాబు విదేశీ పర్యటన తరువాత మారిన రాజకీయ పరిణామాలు దృష్ట్యా నేతలతో చర్చలు జరపనున్నట్టు సమాచారం. ఈ సందర్భంగా పార్టీ మారే ఉద్ధేశం ఉన్న నేతలతో చంద్రబాబు మాట్లాడనున్నారు. అలాగే.. పార్టీ నాయకులకు, కార్యకర్తలకు దిశా నిర్ధేశం చేయనున్నారు.