అక్షయ్ కుమార్ కుటుంబంలో విషాదం.. నటుడు మృతి!
బాలీవుడ్ సూపర్ స్టార్ అక్షయ్ కుమార్ కుటుంబంలో విషాదం చోటుచేసుకుంది. అక్షయ్ కజిన్, టెలివిజన్ నటుడు, కహానీ ఘర్ ఘర్ కీ ఫేం సచిన్ కుమార్ గుండెపోటుతో మృతి చెందారు. శుక్రవారం ఈ విషాదం చోటుచేసుకోగా....
Updated on: May 17, 2020 | 10:43 AM
బాలీవుడ్ సూపర్ స్టార్ అక్షయ్ కుమార్ కుటుంబంలో విషాదం చోటుచేసుకుంది. అక్షయ్ కజిన్, టెలివిజన్ నటుడు, కహానీ ఘర్ ఘర్ కీ ఫేం సచిన్ కుమార్ గుండెపోటుతో మృతి చెందారు. శుక్రవారం ఈ విషాదం చోటుచేసుకోగా.. లాక్డౌన్ కారణంగా ఆలస్యంగా మీడియాకు చేరింది. సచిన్ కుమార్ మృతికి అక్షయ్తో పాటు పలువురు బాలీవుడ్, టెలివిజన్ పరిశ్రమకు చెందిన ప్రముఖులు, కుటుంబ సభ్యులు సంతాపం తెలిపారు. అయితే కరోనా వైరస్ నేపథ్యంలో సచిన్ అంత్యక్రియలకు చాలా కొద్ది మంది సన్నిహితులు మాత్రమే హాజరయ్యారు. ముంబైలో సచిన్ అంత్యక్రియలు జరిగాయి. కాగా సచిన్ రెండు క్రితమే మే 13న పుట్టినరోజు జరుపుకున్నారు. మే 15న ఆయన గుండెపోటుతో మరణించారు.
అయితే సచిన్ మృతి ఆలస్యంగా తెలియడంతో పలువురు ఆయనకు శ్రద్ధాంజలి ఘటించలేకపోయారు. ముంబైలో పరిస్థితులు సానుకూలంగా లేకపోవడం వల్ల ప్రముఖులంతా సోషల్ మీడియాలోనే సచిన్ మృతికి సంతాపం ప్రకటించారు. ఆయన ఆత్మకు శాంతి కలగాలని, ఆయన కుటుంబ సభ్యులకు మనో ధైర్యాన్ని ఇవ్వాలని భగవంతుడిని ప్రార్థించారు.
Read More:
ఏపీలో ప్రారంభం కానున్న సినిమా హాళ్లు, రెస్టారెంట్లు!
