Vastu Tips: మీ బాత్రూంలో ఈ వస్తువులు ఉంటే వెంటనే తీసేయండి.. అవే మీ అదృష్టానికి అడ్డంకి..!

Bathroom Vastu

వాస్తు శాస్త్రం ప్రకారం ఇల్లు కేవలం నివసించడానికి ఒక ప్రదేశం కాదు.. అది ఒక వ్యక్తి జీవితంలో శక్తి కేంద్రం కూడా. ఇంటి లోపల, చుట్టూ ఉంచిన ప్రతి వస్తువు సానుకూల లేదా ప్రతికూల శక్తిని విడుదల చేస్తుందని వాస్తుశాస్త్రం చెబుతోంది. అందువల్ల, ఇంటికి సంబంధించిన దిశ, స్థానం, పదార్థాల ఎంపిక చాలా ముఖ్యమైనవి. ఇంటికి ప్రధాన ద్వారం, పూజ గది, బెడ్ రూమ్ మాత్రమే కాకుండా, బాత్రూమ్ కూడా ప్రత్యేక వాస్తు నియమాలను కలిగి ఉంటుందని మర్చిపోవద్దు. ఎందుకంటే ఈ ప్రదేశం ఎక్కువ ప్రతికూల శక్తిని ఉత్పత్తి చేసే అవకాశం ఉందని వాస్తు శాస్త్రం చెబుతోంది. కాబట్టి, వాస్తు చిట్కాల ప్రకారం బాత్రూంలో ఏ వస్తువులను ఉంచకూడదో తెలుసుకుందాం .

చెప్పులు: బాత్రూంలో చెప్పులు వాడటం సాధారణం. అయితే, వాస్తు ప్రకారం విరిగిన లేదా పాత చెప్పులను అక్కడ ఉంచడం అశుభం. అవి ప్రతికూల శక్తిని ఆకర్షించగలవని వాస్తు చెబుతోంది. బాత్రూంలో ఉంచకూడని వస్తువులలో తెగిపోయిన లేదా చిరిగిన చెప్పులు పొరపాటున కూడా ఉంచకూడదట.

పగిలిన అద్దం: వాస్తు శాస్త్రం ప్రకారం పగిలిన అద్దాన్ని బాత్రూంలో ఉంచకూడదు. దీనివల్ల వాస్తు దోషాలు, ఆర్థిక సమస్యలు వస్తాయి. కాబట్టి, అటువంటి అద్దాలను వెంటనే తొలగించడం మంచిది.

ఖాళీ బకెట్: బాత్రూంలో ఖాళీ బకెట్లను ఉంచడం వల్ల దురదృష్టం వస్తుందని వాస్తు నమ్మకం. బకెట్‌ను ఎల్లప్పుడూ నీటితో నింపాలి. నీటిని నిండుగా ఉంచడం సాధ్యం కాకపోతే, బకెట్‌ను తలక్రిందులుగా ఉంచడం మంచిది.

లీకేజ్ ట్యాప్: బాత్రూంలో కుళాయి నుండి నిరంతరం నీరు కారడం ధన నష్టానికి, ప్రతికూల శక్తికి సంకేతం అని వాస్తు చెబుతోంది. బాత్రూంలో లేదా ఇంట్లో ఏదైనా కుళాయి నుండి నీరు కారుతుంటే, దానిని వెంటనే సరిచేయాలి.

తడి బట్టలు: స్నానం చేసిన తర్వాత విడిచిన బట్టలను బాత్రూంలో వదిలేయడం వల్ల వాస్తు దోషం వస్తుంది. వీటి వల్ల సూర్య దోషం వస్తుందని చెబుతారు. కాబట్టి, విడిచిన బట్టలను వెంటనే ఉతకాలి లేదా తడి బట్టలుంటే ఆరబెట్టడానికి బయట వేలాడదీయాలి.

జుట్టు: సాధారణంగా, మీరు స్నానం చేసేటప్పుడు జుట్టు రాలిపోతుంది. కాబట్టి, మీరు రాలిపోయిన జుట్టును అక్కడే ఉంచరాదు..బాత్రూంలో రాలిపోయిన జుట్టు విషయంలో నిర్లక్ష్యం చేయకూడదు. వాస్తు ప్రకారం, రాలిపోయిన జుట్టు పేదరికానికి సంకేతం. ఇది శని, కుజ దోషానికి కూడా కారణమవుతుంది. కాబట్టి, జుట్టు రాలిపోయిన వెంటనే శుభ్రం చేసుకోవాలి.

బాత్రూంలో మొక్కలు: వాస్తు శాస్త్రం ప్రకారం, బాత్రూంలో మొక్కలను ఉంచడం సాధారణంగా నివారించాలి. మీరు వాటిని ఖచ్చితంగా ఉంచవలసి వస్తే, వాస్తు నిపుణుడి సలహా తీసుకోవడం ఉత్తమం. లేకపోతే, ప్రతికూలత పెరిగే అవకాశం ఉంది.

Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.

మరిన్ని హ్యుమన్‌ ఇంట్రెస్ట్‌ వార్తల కోసం క్లిక్ చేయండి..