Weight Loss Tips: వేగంగా బరువు తగ్గాలనుకుంటే ఈ మూడు జ్యూస్‌లను తాగండి.. ఎప్పుడు.. ఎలా తాగాలో తెలుసుకోండి..

Herbal Drink For Weight Los

సరైన ఆహారం, నిశ్చల జీవనశైలి కారణంగా ఊబకాయం వేగంగా పెరుగుతున్న సమస్య. ప్రస్తుత కాలంలో శ్రామికలు కూడా ఊబకాయంతో ఇబ్బంది పడుతున్నారు. గంటల తరబడి కదలకుండా డెస్క్ వర్క్ చేయడం వల్ల ఊబకాయం పెరగడం మొదలవుతుంది. స్థూలకాయం వ్యక్తిత్వాన్ని పాడుచేయడమే కాకుండా శరీరాన్ని అనేక వ్యాధులకు గురి చేస్తుంది. స్థూలకాయాన్ని అదుపులో ఉంచుకోకపోతే మధుమేహం, రక్తపోటు, కిడ్నీ వ్యాధులు వచ్చే ప్రమాదం శరీరంలో పెరుగుతుంది. మీరు బరువు పెరగడం వల్ల ఇబ్బంది పడుతుంటే, శరీరాన్ని చురుకుగా ఉంచుకోండి. ఆహారంపై శ్రద్ధ వహించండి. బరువు తగ్గించడంలో ప్రభావవంతంగా పని చేస్తాయో అలాంటి ఆహారాన్ని తినండి. ఆరోగ్య నిపుణులు చెప్పినట్లుగా.. ఊబకాయాన్ని వేగంగా నియంత్రించడానికి ఉపయోగించే కొన్ని మూలికలను కూడా క్రమం తప్పకుండా తీసుకోండి. మూలికల వినియోగం ఊబకాయాన్ని నియంత్రించడంలో చాలా ప్రభావవంతంగా ఉంటుంది. బరువు తగ్గించడంలో ప్రభావవంతంగా ఉండే మూలికలు ఏవో తెలుసుకుందాం.

బరువు తగ్గడానికి ఆమ్లా జ్యూస్ తాగండి:

ఆయుర్వేద వైద్య నిపుణులు చెప్పినట్లుగా, ఉసిరి రసం బరువు తగ్గించడంలో చాలా ప్రభావవంతంగా పనిచేస్తుంది. ఉసిరి రసం జీవక్రియను పెంచుతుంది. బరువును నియంత్రిస్తుంది. దీన్ని తీసుకోవడం వల్ల శరీరంలో కొవ్వు నిల్వలు తగ్గుతాయి. ఉసిరికాయ రసం తాగిన తర్వాత, కడుపు చాలా సమయం పాటు నిండుగా ఉంటుంది. మీకు ఆకలి తగ్గుతుంది. మీకు ఆకలి తక్కువగా ఉంటే, మీరు తక్కువ తింటారు. బరువు కూడా నియంత్రణలో ఉంటుంది. ఉసిరి రసం బరువు తగ్గడంతో పాటు శరీరాన్ని అనేక వ్యాధుల నుంచి రక్షిస్తుంది.

అలోవెరా జ్యూస్ తీసుకోండి:

యాంటీ ఆక్సిడెంట్ గుణాలు పుష్కలంగా ఉన్న కలబంద రసం బరువు తగ్గించడంలో చాలా ప్రభావవంతంగా పనిచేస్తుంది. ఇందులో ఉండే మూలకాలు జీవక్రియను పెంచి ఊబకాయాన్ని నియంత్రిస్తాయి. ఉదయాన్నే ఖాళీ కడుపుతో కలబంద రసాన్ని తీసుకుంటే శరీరంలోని అధిక కొవ్వు తగ్గుతుంది. అంతే కాదు బెల్లీ ఫ్యాట్‌‌ను తగ్గించడంలో సహాయపడే జ్యూస్ ఇది.

బరువు తగ్గడానికి గోరువెచ్చని నీళ్లతో తేనె తాగండి:

చక్కెర కోరికలను నియంత్రించడంలో తేనె చాలా ప్రభావవంతంగా పని చేస్తుంది. స్థూలకాయంతో బాధపడేవారు తీపి పదార్ధాలను దూరం పెట్టేందుకు తేనెను తీసుకుంటారు. ఔషధ గుణాలు పుష్కలంగా ఉన్న తేనె ఆకలిని నియంత్రిస్తుంది. బరువు తగ్గిస్తుంది. ప్రతి రోజూ ఉదయం ఖాళీ కడుపుతో తేనె తీసుకుంటే బరువు సులభంగా అదుపులోకి వస్తుంది. ముందుగా ఉదయం పూట గోరువెచ్చని నీటిలో 1-1.5 టీస్పూన్ తేనె కలిపి తీసుకోవడం వల్ల కొవ్వును కరిగి పోతుంది. ఆకలిని తగ్గిస్తుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ వార్తల కోసం