Skin Care Tips: వేసవిలో అందంగా కనిపించాలంటే ఈ హోమ్‌మేడ్ ఫేస్ ప్యాక్‌లని ట్రై చేయాల్సిందే..!

Beautiful

Skin Care Tips: మండే వేడికి చర్మం నిర్జీవంగా మారుతుంది. ఇలాంటి సమయాల్లో చర్మాన్ని హైడ్రేట్ గా ఉంచుకోవాలి. దీనికోసం రకరకాల ఫేస్ ప్యాక్‌లను ఉపయోగించవచ్చు. వీటిని సహజసిద్ధమైన పదార్థాలతో తయారుచేయాలి. ఈ పదార్థాలు చర్మంపై శీతలీకరణ ప్రభావాన్ని చూపుతాయి. వేసవి కాలంలో ఈ ఫేస్ ప్యాక్‌లు మొటిమలు, నల్ల మచ్చలను తొలగించడంలో సహాయపడతాయి. ఇవి వేడి గాలి నుంచి చర్మాన్ని రక్షిస్తాయి. వీటిని ఇంట్లోనే ఎలా తయారుచేసుకోవాలో తెలుసుకుందాం.

పుచ్చకాయ ఫేస్ ప్యాక్

ఈ ఫేస్ ప్యాక్ చేయడానికి మీకు పుచ్చకాయ రసం, దోసకాయ రసం, పాలపొడి, పెరుగు అవసరం. ముందుగా ఒక గిన్నెలో 2 టేబుల్ స్పూన్ల దోసకాయ, పుచ్చకాయ రసం తీసుకోండి. దానికి 1 టీస్పూన్ పాల పొడి, పెరుగు బాగా కలపండి. దీన్ని ముఖం, మెడపై రాయండి. 15 నిమిషాల పాటు అలాగే ఉంచండి. తర్వాత చల్లటి నీటితో కడగండి. వేసవిలో మెరిసే చర్మానికి ఇది పర్ఫెక్ట్ హోంమేడ్ ఫేస్ ప్యాక్.

చందనం ఫేస్ ప్యాక్

ఈ ఫేస్ ప్యాక్ చేయడానికి మీకు చందనం పొడి, రోజ్ వాటర్ అవసరం. ఒక చెంచా చందనం పొడిలో రోజ్ వాటర్ కలపండి. దీన్ని ముఖం, మెడపై రాయండి. ఆరిపోయే వరకు చర్మంపై ఉంచండి. ఆ తర్వాత గోరువెచ్చని నీటితో కడగండి. ఈ ఫేస్ ప్యాక్ వేసవికి చాలా ఉపయోగకరంగా ఉంటుంది. ఈ ఫేస్ ప్యాక్ మచ్చలను తొలగించడంలో సహాయపడుతుంది.

పుదీనా ఫేస్ ప్యాక్

దీని కోసం మీకు పసుపు పొడి, పుదీనా ఆకులు అవసరం. ఈ రెండింటిని కలిపి పేస్ట్‌లా చేసుకోవాలి. దీన్ని 15 నిమిషాల పాటు ముఖంపై అప్లై చేయాలి. ఆ తర్వాత చల్లటి నీటితో కడగాలి. ఈ ఫేస్ ప్యాక్ మండే వేడిలో చర్మాన్ని చల్లబరుస్తుంది. దీంతో చర్మం పొడిబారడం తగ్గుతుంది.

ముల్తానీ మట్టి ఫేస్ ప్యాక్

ఈ ఫేస్ ప్యాక్ చేయడానికి మీకు ముల్తానీ మట్టి, రోజ్ వాటర్ అవసరం. ఈ రెండింటిని ఒక గిన్నెలో వేసి బాగా కలపాలి. తర్వాత దీన్ని ముఖం, మెడపై అప్లై చేయాలి. 20 నుంచి 25 నిమిషాల పాటు ఆరనివ్వాలి. ఆ తర్వాత చల్లటి నీటితో ముఖాన్ని కడుక్కోవాలి. ముల్తానీ మట్టి ముఖంలో మెరుపును తీసుకురావడానికి పనిచేస్తుంది.

గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.

మరిన్ని హెల్త్‌ వార్తల కోసం ఇక్కడ క్లిక్ చేయండి