విటమిన్ మాత్రలను ఎప్పుడు తీసుకోవాలి..? ఎలా తీసుకోవాలి..? తీసుకునే ముందు ఈ విషయాలు తెలుసుకోండి..!
చాలా మంది రోగులు, పోషకాల లోపం ఉన్నవారు డాక్టర్ చెప్పిన మోతాదులో విటమిన్లను తీసుకుంటున్నా తమకు ఎలాంటి మెరుగుదల కనిపించడం లేదని చెబుతుంటారు. దీనికి కారణం ఏమిటంటే.. ఏ విటమిన్ను ఏ సమయంలో తీసుకోవాలి..? తద్వారా అవి శరీరంలో సమర్థవంతంగా శోషించబడతాయో లేదో వారికి తెలియకపోవడం.
Updated on: Feb 05, 2025 | 10:01 PM
నీటిలో కరిగే విటమిన్లు అంటే విటమిన్ B12, విటమిన్ C వంటివి శరీరంలో నిల్వ ఉండవు. అవి త్వరగా విసర్జించబడతాయి. వీటిని శోషించడానికి చాలా నీరు అవసరం. వీటిని ఉదయం ఖాళీ కడుపుతో తీసుకోవడం ఉత్తమం. ఖాళీ కడుపుతో తీసుకోలేకపోతే.. బ్రేక్ ఫాస్ట్ తర్వాత ఒక గంటకు తీసుకోవచ్చు. అప్పటికి ఆహారం జీర్ణమై నీటితో పాటు విటమిన్లు కూడా సరిగా శోషించబడతాయి.
ఉదాహరణకు విటమిన్ B12 కు సిఫార్సు చేయబడిన రోజువారీ మోతాదు 2.4 మైక్రోగ్రాములు. వైద్య పరిస్థితి లేదా ఆహార లోపాల కారణంగా ఈ మొత్తం మీకు అందకపోతే మీరు సప్లిమెంట్ తీసుకోవాల్సి ఉంటుంది. ఒక మాత్రలో 1500 మైక్రోగ్రాములు (mcg) ఉండవచ్చు. ఇది అధిక శక్తి కలిగినది.. కానీ నీటిలో కరిగినందున శరీరంలో 4 శాతం వరకు మాత్రమే శోషించబడుతుంది. అందుకే మందులు తీసుకునే సమయం ముఖ్యం. ఎప్పుడూ నిండిన కడుపుతో తీసుకోకూడదు. ఇది శోషణ ప్రక్రియకు ఆటంకం కలిగిస్తుంది.
కొవ్వులో కరిగే విటమిన్లు. అంటే విటమిన్లు A, D, E, K వంటివి జీవ లభ్యత, శోషణను పెంచడానికి కొవ్వు కలిగిన ఆహారం తిన్న వెంటనే తీసుకోవాలి. మీరు విటమిన్ D పొడి రూపంలో తీసుకుంటే పాలలో కొవ్వుతో శోషణ బాగా ఉంటుంది కాబట్టి పాలతో తీసుకోండి. విటమిన్ D పొడి మాత్రల కంటే చౌకైనది. కానీ పేగు సమస్యలు ఉన్నవారికి ఇది ఉపయోగపడకపోవచ్చు.
నీటిలో, కొవ్వులో కరిగే విటమిన్లు కలిపి తీసుకోవచ్చా..? లేదు.. తీసుకోకూడదు. అందుకే మల్టీవిటమిన్ క్యాప్సూల్స్ తీసుకోవడం వల్ల సమస్యలు వస్తాయి. వీటిని భోజనం తర్వాత కొద్దిసేపటికి నీటితో తీసుకుంటే చాలా మంచి ఫలితాలు ఉంటాయి.
చాలా అధ్యయనాలు విటమిన్ C, B12 లను కలిపి తీసుకోవద్దని సూచిస్తున్నాయి. ఎందుకంటే విటమిన్ C, B12 శోషణను తగ్గిస్తుంది. కానీ అవి నీటిలో కరిగేవి కాబట్టి కడుపు కొంచెం ఖాళీగా ఉన్నప్పుడు వాటిని కలిపి తీసుకోవచ్చు.
మీరు మీ ఆహారంలో కాలేయం, గుడ్లు, చేపలు, పాల ఉత్పత్తులు వంటి జంతువుల నుండి లభించే ఆహార పదార్థాలు తీసుకుంటుంటే మీకు విటమిన్ ఎ సప్లిమెంట్లు అవసరం లేదు. అధిక విటమిన్ ఎ.. మీ ఎముకలు, జీర్ణవ్యవస్థ, చర్మ ఆరోగ్యాన్ని ప్రభావితం చేస్తుంది.
విటమిన్ B9 లేదా ఫోలిక్ యాసిడ్ను విటమిన్ B12 తో తీసుకోకండి. ఎక్కువ ఫోలిక్ యాసిడ్ లేదా ఫోలేట్ తీసుకోవడం వల్ల విటమిన్ B12 లోపానికి సంబంధించిన లక్షణాలు కనిపించకపోవచ్చు. కొంతమంది వైద్యులు రక్తం గడ్డకట్టడానికి సహాయపడటానికి విటమిన్ కె సప్లిమెంట్ ను సూచిస్తారు. అదే సమయంలో విటమిన్ ఇ తీసుకోవడం వల్ల విటమిన్ కె ప్రభావాలను తగ్గిస్తుంది.
విటమిన్ల శీఘ్ర శోషణకు వ్యాయామం బాగా సహాయపడుతుంది. ఇది మీ జీర్ణవ్యవస్థను బాగా పనిచేసేలా చేస్తుంది. అందువల్ల మీ శరీరం పోషకాలను మరింత ప్రభావవంతంగా గ్రహించగలుగుతుంది. వ్యాయామం తర్వాత మీ శరీరంలో ఎక్కువ ఆక్సిజన్, అధిక జీవక్రియ ఉంటుంది కాబట్టి విటమిన్ తీసుకోవడం మంచిది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
