Health: మంట పెడుతున్న గ్యాస్ట్రిక్ సమస్యలు.. అలా చేస్తేనే ఎక్కువ ఇబ్బందులు

Gastric Problems

ప్రస్తుత సమాజంలో ఆహారం తీసుకునే టైమింగ్స్ మారిపోయాయి. దీంతో గ్యాస్ట్రిక్, డైజేషన్ సమస్యలు పెరిగిపోతున్నాయి. వేళ కాని వేళల్లో ఆహారం తీసుకుంటే అది జీర్ణం అయ్యేందుకు ఎక్కువ సమయం తీసుకోవడంతో పాటు ఎక్కువ మోతాదులో యాసిడ్‌లు విడుదలవుతాయి. దీంతో కడుపులో గ్యాస్‌ తయారయ్యి, ఛాతీ నొప్పి, కడుపునొప్పి వంటి సమస్యలు వస్తాయి. మిర్చి, గరం మసాలా వంటి ఎక్కువ ఘాటు ఉన్న ఆహార పదార్థాలు తీసుకున్నప్పుడు, కాఫీ తాగినప్పుడు, ఆయిల్ ఫుడ్, ప్రొటీన్ ఫుడ్ వంటి ఆహార పదార్థాల్లో కొవ్వులు, కేలరీలు అధికంగా ఉంటాయి. కాబట్టి వీటిని అధికంగా తింటే జీర్ణవ్యవస్థ ఎక్కువ శ్రమ పడుతోంది. కొన్నిసార్లు ఆహారం సరిగ్గా జీర్ణం కాక అజీర్తి సమస్య తలెత్తుతుంది. కడుపులో హానికారకమైన పదార్థాలు చేరి, కడపుబ్బరం సమస్య ఉత్పన్నమవుతుంది. ఈ సమస్యను ఆహారంలో మార్పుల ద్వారా పరిష్కరించుకోవచ్చని ఆరోగ్య నిపుణులు చెబుతున్నారు. నడుము కొలత మగవాళ్లలో 90 సెం.మీ, ఆడవాళ్లలో 80 సెం.మీ. కంటే ఎక్కువ ఉండకూడదని చెబుతున్నారు.

నడుము, పొట్ట దగ్గర కొవ్వు ఎక్కువ చేరుకుంటే.. జీర్ణకోశం, పేగుల మీద కొవ్వు పేరుకుని జీర్ణవ్యవస్థ పనితీరు దెబ్బ తింటుంది. లివర్‌లో, పాంక్రియాస్‌లో కొవ్వు ఎక్కువైనా డైజెషన్‌ సులభంగా జరగదు. కాబట్టి అదనపు బరువు, నడుము కొలత తగ్గించుకునేందుకు శుభ్రమైన తాజా ఆహారాన్నే తీసుకోవాలి. జీర్ణవ్యవస్థ మీద భారం పడకుండా ఎక్కువ సార్లు తక్కువ తక్కువగా తినాలి. ఇలా చేయడం వల్ల గ్యాస్ సంబంధిత సమస్యల నుంచి బయటపడవచ్చని నిపుణులు అంటున్నారు.

మరిన్ని లైఫ్ స్టైల్ వార్తల కోసం క్లిక్ చేయండి..