‘బిగ్బాస్’ని బ్యాన్ చేయాలన్న ‘మాజీ కంటెస్టెంట్‌’
'బిగ్బాస్' షోను బ్యాన్ చేయాలంటూ నినాదాలు రావడం కొత్తేం కాదు. అయితే అందులో పాల్గొన్న ఓ మాజీ కంటెస్టెంట్‌ ఈ షోను బ్యాన్ చేయాలంటూ కోరింది.
‘బిగ్బాస్’ షోను బ్యాన్ చేయాలంటూ నినాదాలు రావడం కొత్తేం కాదు. అయితే అందులో పాల్గొన్న ఓ మాజీ కంటెస్టెంట్‌ ఈ షోను బ్యాన్ చేయాలంటూ కోరింది. ఆమె ఎవరంటే నటి ఒవియా హెలెన్‌. తెలుగు, తమిళం, మలయాళం భాషల్లో 40కి పైగా చిత్రాల్లో నటించిన ఒవియా.. తమిళంలో బిగ్బాస్ సీజన్ 1లో కంటెస్టెంట్‌గా పాల్గొన్నారు. ఈ షో ద్వారా ఆమెకు పాపులారిటీ మరింత పెరిగింది. ఈ సీజన్ విన్నర్‌ ఆరవ్‌తో.. హౌజ్‌లో ఒవియా చేసిన రొమాన్స్‌ షోకు టాప్ రేటింగ్స్‌ని తీసుకొచ్చింది. అంతే కాదు ఒవియా కోసం అప్పట్లో ఓ ప్రత్యేక ఆర్మీ కూడా ఏర్పాటైంది. ఈ క్రమంలో బిగ్‌బాస్‌ను ఇంటి పేరుగా మార్చుకుంది ఒవియా.
కాగా ఇటీవల ఓ నెటిజన్.. ”బిగ్బాస్ షో ను బ్యాన్ చేయడానికి మీరు ఒప్పుకుంటారా..? ఒప్పుకోరా..?” అని ప్రశ్నించగా.. ”అవును బిగ్‌బాస్‌ని బ్యాన్ చేయాలి” అని ఒవియా కామెంట్ పెట్టారు. అంతేకాదు టీఆర్పీల కోసం కంటెస్టెంట్‌లు సూసైడ్ చేసుకునేలా టార్చర్‌ పెట్టకుంటే బావుంటుంది అని అన్నారు. అయితే దీనిపై కొంతమంది ఒవియాను ట్రోల్ చేస్తున్నారు. ఆ షో లేకపోతే మీకు ఇంత ఫేమ్ వచ్చేది కాదని కామెంట్లు పెడుతున్నారు.
Read This Story Also: హోమ్‌ ఐసోలేషన్‌లో ఉండే వారికి ఏపీ ప్రభుత్వం మార్గదర్శకాలు
