లండన్ ఉద్యోగ వీసా స్కామ్‌‌లో కొత్త ట్విస్ట్.. నందన అరెస్ట్‌తో వెలుగులోకి అస్సలు యవ్వారం!

యూట్యూబర్ నందనను పోలీసులు అరెస్ట్ చేశారు. ఈ న్యూస్ వినగానే ఆమె ఛానల్‌ను ఫాలో అయ్యేవారు, ఆమె గురించి తెలిసినవారు షాకై ఉండొచ్చు. కానీ లండన్‌లో ఉద్యోగాల పేరుతో ఆమె మోసం చేసిందని ఆరోపిస్తున్న వారంతా.. ఇప్పటికైనా తమకు న్యాయం జరుగుతుందని సంతోషపడి ఉండొచ్చు. నందనపై విజయవాడ దగ్గర ఇబ్రహీంపట్నంలో పోలీస్ కేసు నమోదు కావడంతో తెలుగు ప్రేక్షకుల ఫోకస్ అంతా ఆమె పై పడింది. అసలేమిటీ కేసు.. నందనను ఇప్పుడు అరెస్ట్ చేసే వరకు ఏం జరిగింది అని ఆరా తీస్తున్నారు. ఎందుకంటే.. హస్కీ వాయిస్ తో ఆమె తన ఫ్యామిలీతో కలిసి చేసే వీడియోలు యూట్యూబ్ వ్యూయ‌ర్స్‌కు కామెడీ ఎంటర్‌టైన్‌మెంట్‌ను ఇస్తాయి. అందుకే ఆమెకు ఫ్యాన్ బేస్ ఉంది. కానీ కాయిన్‌కు ఇటువైపు ఉద్యోగాల పేరుతో మోసం చేశారన్న ఆరోపణలు రావడంతో అసలేం జరిగిందా అని చర్చించుకుంటున్నారు. నందనను అరెస్ట్ చేయడానికి కారణమేంటి? పోలీసులు ఎప్పుడు, ఎక్కడ, ఎలా అదుపులోకి తీసుకున్నారు? నెక్స్ట్ ఏం జరగనుంది? నందన.. ఆయన భర్తపై వీసా స్కామ్ కు సంబంధించి ఆరోపణలు ఉన్నాయి. కృష్ణా జిల్లా ఇబ్రహీంపట్నంలో నందన దంపతులపై కేసులున్నాయి. అందుకే లుక్ అవుట్ నోటీసులు కూడా జారీ అయ్యాయి. దీంతో ఆమె శంషాబాద్ ఎయిర్ పోర్టులో ల్యాండ్ అవ్వగానే ఇమ్మిగ్రేషన్ అధికారులు నందనను గుర్తించారు. వెంటనే అరెస్ట్ చేశారు. లండన్‌లో జాబ్స్ ఇప్పిస్తామని.. వీసా రెన్యువల్ చేయిస్తామని.. సర్టిఫికెట్ ఆఫ్ స్పాన్సర్‌షిప్ వచ్చేలా...