ఎన్టీఆర్ సినిమాలో మరో యంగ్ హీరో..!

ప్రస్తుతం రాజమౌళి దర్శకత్వంలో ఆర్ఆర్‌ఆర్‌లో నటిస్తోన్న ఎన్టీఆర్‌.. ఆ తరువాత త్రివిక్రమ్ డైరక్షన్‌లో నటించనున్న విషయం తెలిసిందే. దీనికి సంబంధించిన అధికారిక ప్రకటన కూడా వచ్చేయగా.. ప్రస్తుతం త్రివిక్రమ్, స్క్రిప్ట్‌ను రాసే పనిలో పడ్డారు. దాంతో పాటు మరోవైపు నటీనటులను ఎంపిక చేసుకుంటున్నారు. కాగా తాజా సమాచారం ప్రకారం ఈ మూవీలో మరో యంగ్ హీరో భాగం కానున్నారట.

‘అఙ్ఞ్యాతవాసి’ నుంచి స్టార్‌ హీరోలతో తాను తెరకెక్కించిన ప్రతి సినిమాలో మరో యంగ్ నటుడికి అవకాశం ఇస్తూ వస్తున్నారు త్రివిక్రమ్. ఈ క్రమంలో ‘అఙ్ఞ్యాతవాసి’లో ఆది, ‘అరవింద సమేత’లో నవీన్ చంద్ర, ‘అల వైకుంఠపురములో’లో సుశాంత్ నటించారు. ఆయా పాత్రలు వారికి మంచి పేరును కూడా తీసుకొచ్చాయి. ఇక ఇదే తరహాలో ఇప్పుడు ఎన్టీఆర్ సినిమాలో మరో నటుడికి అవకాశం ఇవ్వబోతున్నారట. అయితే ఇంకా ఆ పాత్ర కోసం ఎవరికీ కన్ఫర్మ్ చేయనట్లు తెలుస్తోంది. మరి ఎన్టీఆర్ మూవీలో ఈ సారి భాగం అవ్వబోయే యంగ్ నటుడు ఎవరో తెలుసుకోవాలనుకుంటే కొద్ది రోజులు ఆగాల్సిందే. కాగా పొలిటికల్ థ్రిల్లర్‌గా తెరకెక్కబోతోన్న ఈ చిత్రానికి అయిననూ పోయిరావలే హస్తినకు అనే టైటిల్‌ను పెట్టినట్లు సమాచారం. హారిక అండ్ హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తోన్న ఈ చిత్రం వచ్చే ఏడాదిన ప్రేక్షకుల ముందుకు రానుంది.

Read This Story Also: త్వరలో మీకూ తెలుస్తుంది.. కిమ్‌ ఆరోగ్యంపై ట్రంప్ ఆసక్తికర వ్యాఖ్యలు..!