KGF Chapter2 : ‘కేజీఎఫ్’ చాప్టర్ 2 కోసం రాక్ స్టార్ యష్ ఎంత తీసుకుంటున్నాడో తెలిస్తే షాక్ అవ్వాల్సిందే
పాన్ ఇండియన్ మూవీగా విడుదలైన కేజీఎఫ్ సినిమా సంచలన విజయం సాధించిన విషయం తెలిసిందే. ఇప్పుడు ఈ సినిమా పార్ట్ టూ కేజీఎఫ్ చాప్టర్ 2 తెరకెక్కుతున్న సంగతి కూడా తెలిసిందే.
Updated on: Jan 23, 2021 | 7:09 AM
KGF Chapter2 : పాన్ ఇండియన్ మూవీగా విడుదలైన కేజీఎఫ్ సినిమా సంచలన విజయం సాధించిన విషయం తెలిసిందే. ఇప్పుడు ఈ సినిమా పార్ట్ టూ కేజీఎఫ్ చాప్టర్ 2 తెరకెక్కుతున్న సంగతి కూడా తెలిసిందే. ఈ సినిమాతో కన్నడ రాక్ స్టార్ యష్ ఇండియన్ సినీ ప్రేమికులందరికీ సుపరిచితుడు అయిపోయాడు. ఈ సినిమాలో తన యాక్టింగ్ కి యూత్ అందరూ ఫిదా అయిపోయారు. ఇటీవల విడుదలైన పోస్టర్లు , టీజర్ సినిమాపైనే అంచనాలను ఆకాశానికి చేర్చాయి. ఇక ఈ సినిమా టీజర్ ఇప్పటికే రికార్డులను తిరగరాస్తుంది. ఇక కేజీఎఫ్ పార్ట్ 1 కు సుమారు 70 కోట్లకు పైగా ఖర్చు చేశారు నిర్మాతలు. కలెక్షన్స్ ఏకంగా 200 కోట్లపైనే వచ్చాయి. ఇప్పుడు పార్ట్ 2 కోసం ఏకంగా 140 నుంచి 160 కోట్లు ఖర్చు చేస్తున్నట్లు ప్రచారం జరుగుతుంది.ఇదిలా ఉంటే హీరో యష్ తన రెమ్యునరేషన్ ను కూడా పెంచాసాడట. కేజీఎఫ్ పార్ట్ 1 కు యష్ 11 కోట్లు పారితోషకం తీసుకున్నాడట. ఇప్పుడు పార్ట్ టూ కి ఏకంగా 30 కోట్లు తీసుకున్నాడని టాక్ నడుస్తుంది. పైగా లాభంలో షేర్ కూడా తీసుకుంటున్నట్లు కన్నడ మీడియాలో గుసగుసలు వినిపిస్తున్నాయి. అంతే కాదు పార్ట్ 2 దాదాపు 270 కోట్లకు పైగా బిజినెస్ చేస్తుందని అంచనావేస్తున్నారు ట్రేడ్ పండితులు. అందుకనే కేవలం హీరో మాత్రమే కాదు.. హీరోయిన్, దర్శకుడు, ఫస్ట్ పార్ట్ లో ప్రధాన పాత్ర పోషించిన కొందరు నటులకు కూడా చాప్టర్ 2 కోసం భారీ రెమ్యునరేషన్ ఇస్తున్నారని అంటున్నారు.
మరిన్ని ఇక్కడ చదవండి :
Actor Sunil : రైతు సమస్యలపై సునీల్ కొత్త చిత్రం.. కీలక పాత్రల్లో కనిపించనున్న శ్రీకాంత్, తారక రత్న..
