విశాల్ కొత్త సినిమా పోస్టర్ విడుదల.. అభిమానులు ఫిదా.. కీలక పాత్రలో నటిస్తున్న ఆ యంగ్ హీరో!!

తమిళ హీరో విశాల్ మరో కొత్త సినిమాలో నటిస్తున్నారు. తెలుగులో చాలా తక్కువ సినిమాలు తీసిన విశాల్ తమిళ్ చిత్ర పరిశ్రమలో మాత్రం టాప్ హీరోగా ఎదిగారు. ప్రస్తుతం విశాల్ మరో యంగ్ హీరో ఆర్యతో కలిసి మల్టీస్టారర్ సినిమాను తెరకెక్కిస్తున్నాడు. గతంలో వీరిద్దరు కలిసి నటించిన వాడు-వీడు సినిమా మంచి విజయం సాధించిన సంగతి తెలిసిందే. ఇప్పుడు మరోసారి వీరిద్దరు కలిసి నటిస్తున్నారు. ఆ సినిమాకు ఎనమి అనే టైటిల్‏ను కూడా ఫిక్స్ చేశారు.

కాగా ఇటీవలే ఈ సినిమాకు సంబంధించిన కొన్ని సన్నివేశాలను హైదరాబాద్‏లో చిత్రీకరించారు. అయితే ఈ మూవీ షూటింగ్ ఫస్ట్ షెడ్యూల్ పూర్తైందని దర్శకుడు ఆనంద్ శంకర్ తెలిపారు. అటు మినీ స్టూడియోస్ బ్యానర్ పై వినోద్ కుమార్ ఈ చిత్రాన్ని నిర్మిస్తున్నారు. ఈ సినిమలో విలక్షణ నటుడు ప్రకాష్ రాజ్ కీలక పాత్రలో నటించనున్నట్లుగా తెలుస్తోంది. తెలుగులో గద్దలకొండ గణేష్ సినిమాలో నటించిన మృణాళిని రవి ఈ సినిమాలో హీరోయిన్‏గా నటిస్తుంది. తాజాగా ఈ సినిమా ఫస్ట్ లుక్ పోస్టర్‏ను విడుదల చేశారు. ఈ విషయాన్ని చిత్ర దర్శకుడు ఆనంద్ శంకర్ తన ట్విట్టర్ వేదిక ద్వారా తెలియాజేశాడు. ఈ చిత్రానికి తమన్ సంగీతం అందిస్తున్నాడు.