Sehari : ఖిలాడి మూవీకి పోటీ పడుతున్న కుర్ర హీరో సినిమా.. ఫిబ్రవరి 11న సెహరి కూడా..
హర్ష్ కనుమిల్లి, సిమ్రాన్ చౌదరి హీరో హీరోయిన్లుగా తెరకెక్కిన సినిమా సెహరి. రొమాంటిక్‌ ఎంటర్‌టైనర్‌ మూవీని జ్ఞానసాగర్‌ తెరకెక్కిస్తున్నారు. ఈ సినిమా టైటిల్‌తో పాటు..
Sehari : హర్ష్ కనుమిల్లి, సిమ్రాన్ చౌదరి హీరో హీరోయిన్లుగా తెరకెక్కిన సినిమా సెహరి. రొమాంటిక్‌ ఎంటర్‌టైనర్‌ మూవీని జ్ఞానసాగర్‌ తెరకెక్కిస్తున్నారు. ఈ సినిమా టైటిల్‌తో పాటు, టీజర్, సాంగ్స్‌కు ప్రేక్షకుల నుంచి విశేష స్పంద‌న ల‌భించింది. హీరో హర్ష్ అదిరిపోయే స్టెప్పులతో ‘సెహరి’ టైటిల్‌ సాంగ్‌ యూత్‌ఫుల్‌ ట్రాక్‌గా నిలువ‌గా..సెకండ్‌ సాంగ్‌ ‘ఇది చాలా బాగుందిలే’ పాట‌లో హర్ష్ తన అద్భుతమైన డ్యాన్స్‌ మూమెంట్స్‌తో, తన అందమైన లుక్స్‌తో సిమ్రాన్ చౌదరి వెండితెరపై అదుర్స్‌ అనిపించారు. అన్ని ర‌కాల క‌మ‌ర్షియ‌ల్ అంశాల‌తో యూత్‌ఫుల్‌ రొమాంటిక్‌ ఎంటర్‌టైనర్‌గా ‘సెహరి’ చిత్రాన్ని తెరకెక్కిస్తున్నారు దర్శకుడు జ్ఞానశేఖర్‌ ద్వారక. వర్గో పిక్చర్స్‌ పతాకంపై అద్వయ జిష్ణు రెడ్డి ఈ సినిమాను నిర్మిస్తున్నారు.
హర్ష్ కనుమిల్లి ఈ చిత్రానికి క‌థా ర‌చ‌యితగా వ్య‌వ‌హ‌రించారు. ఈ చిత్రాన్ని ఫిబ్రవరి 11న గ్రాండ్ గా రిలీజ్ చేస్తున్న‌ట్లు ప్ర‌క‌టించారు మేక‌ర్స్‌. విడుద‌ల తేది ద‌గ్గ‌ర‌ప‌డుతుండ‌డంతో వివిధ ర‌కాల ప్ర‌మోష‌న్స్ ను ప్లాన్ చేస్తోంది చిత్ర యూనిట్‌. ఇదిలా ఉంటే మాస్ మహారాజా రవితేజ నటించిన ఖిలాడి సినిమా కూడా ఫిబ్రవరి11న ప్రేక్షకుల ముందుకు రానుంది. ఖిలాడి సినిమా పై ఇప్పటికే భారీ అంచనాలు ఉన్నాయి. రమేష్ వర్మ దర్శకత్వం వహిస్తున్న ఈసినిమాలో మీనాక్షి చౌదరి, డింపుల్ హయతి హీరోయిన్స్ గా నటిస్తున్నారు.ఈ సినిమాకు పోటీగా ఇప్పుడు ఏ యంగ్ హీరో సినిమా రానుంది. మరి ఈ రెండు సినిమాలు ప్రేక్షకులను అలా ఆకట్టుకుంటాయో చూడాలి. సెహరి సినిమాకు ప్రశాంత్ ఆర్ విహారి సంగీతం అందిస్తుండ‌గా అరవింద్‌ విశ్వనాథ్ సినిమాటోగ్ర‌ఫ‌ర్ గా వ్య‌వ‌హ‌రించారు. రవితేజ గిరిజాల ఎడిటర్‌. ప్రముఖ సంగీత దర్శకులు కోటి ఈ సినిమాలో ఓ కీ రోల్‌ చేస్తున్నారు.
మరిన్ని ఇక్కడ చదవండి :