Tollywood: అరెరె.. ఈ పాటలో చిరు పక్కన డ్యాన్స్ చేసిన అమ్మాయి తనా..? మీరు గుర్తుపట్టారా..?

మెగాస్టార్ చిరంజీవి ప్రధాన పాత్రలో తెరకెక్కుతున్న భారీ పాన్ ఇండియా మూవీ ‘విశ్వంభర’పై భారీ అంచనాలు నెలకొన్నాయి. ‘బింబిసార’ వంటి సెన్సేషనల్ హిట్‌ని అందించిన విశిష్ట ఈ సినిమాకు మెగాఫోన్ పట్టిన విషయం తెలిసిందే. ఇది సామాన్య కథ కాదు… సోహియో ఫాంటసీ నేపథ్యంతో రూపొందుతోన్న భారీ విజువల్ వండర్. విడదలయిన ఈ మూవీ పోస్టర్లు, వీడియో గ్లింప్స్ ప్రేక్షకుల్లో ఆసక్తిని రెట్టింపు చేశాయి. ఇక సినిమా వీఎఫ్‌ఎక్స్ పనులు జరుగుతున్నాయి. కాగా ఈ చిత్రంలో చిరంజీవితో కలిసి ఐదుగురు కథానాయికలు కనిపించబోతున్నారనే గుసగుసలు హీట్ క్రియేట్ చేస్తున్నాయి. వారిలో త్రిష మెయిన్ లీడ్ గా నటిస్తుండగా… మిగతావారి వివరాలు అఫీషియల్‌గా అనౌన్స్ చేయలేదు. హనుమాన్ జయంతిని సమయంలో చిత్రబృందం ఓ పాటను రిలీజ్ చేసింది. ‘రామ రామ’ అంటూ సాగిన ఈ భక్తి గీతాన్ని అందరి ముందు ఉంచారు. ఈ పాటకు రామజోగయ్య శాస్త్రి సాహిత్యం అందించగా, సంగీత మాంత్రికుడు ఎంఎం కీరవాణి ట్యూన్ బాగొట్టి వదిలాడు.

పాటను చూసిన వారు ఓ విషయం మీద మాత్రం చర్చ మొదలుపెట్టారు. మెగాస్టార్ పక్కన స్టెప్పులేస్తున్న ఆ యంగ్ బ్యూటీ ఎవరు? పాటలో చిరుకు చెల్లెలిగా కనిపించిన ఆ అందాల తార ఎవరన్నది ఇప్పుడు హాట్ టాపిక్. ఆమె ఇంకెవరో కాదు… హుషారు సినిమా ద్వారా ఫేమస్ అయిన రమ్య పసుపులేటి.అందం, అభినయంతో ఫాలోయింగ్ పెంచుకున్న ఈ చిన్నది, సోషల్ మీడియాలో ఫుల్ యాక్టివ్. తాజాగా ‘మారుతి నగర్ సుబ్రహ్మణ్యం’ అనే చిత్రంలో కథానాయికగా నటించి మంచి గుర్తింపు తెచ్చుకుంది. ఇప్పుడు ఏకంగా మెగాస్టార్ సినిమాలోనే చాన్స్ పట్టేసింది. ‘విశ్వంభర’ సినిమాలో రమ్య చిరంజీవి చెల్లెలుగా కనిపించబోతుందనే టాక్ ఫిలింనగర్‌లో జోరుగా వినిపిస్తోంది. ఇక ఇటీవల విడుదలైన సాంగ్‌లో మెగాస్టార్‌తో కలిసి డాన్స్ చేసిన ఈ బ్యూటీపై… ఇండస్ట్రీలో క్రేజ్ మరింత పెరిగే అవకాశాలు కనిపిస్తున్నాయి.

View this post on Instagram

A post shared by Sai Ramya Pasupuleti (@ramyaapasupuleti)

మరిన్ని సినిమా వార్తల కోసం ఇక్కడ క్లిక్ చేయండి.