‘పాగ‌ల్’ కోసం సింగ‌ర్ గా మారిన విశ్వ‌క్ సేన్…

యంగ్ హీరో విశ్వ‌క్ సేన్..ఇప్పుడు మంచి జోష్ లో ఉన్నారు. లాక్ డౌన్ ముందు వ‌చ్చిన ఆయ‌న సినిమా ‘హిట్’ మంచి విజ‌యం సాధించింది. లాక్ డౌన్ తో ఇంట్లోనే ఉంటోన్న విశ్వ‌క్..త‌న త‌దుప‌రి స్కిప్ట్స్ పై మంచి ఫోక‌స్ పెడుతున్నారు. ఈ సందర్భంగా టీవీ9 యాంకర్ ప్ర‌త్యూష‌తో జ‌రిగిన స్పెష‌ల్ లైవ్ చాట్ లో విశ్వ‌క్ కీల‌క విష‌యాలు వెల్ల‌డించారు. ముఖ్యంగా సింగ‌ర్ అవ‌తారం ఎత్తిన‌ట్టు చెప్పి..అంద‌ర్నీ ఆశ్య‌ర్య‌ప‌రిచాడు. త‌న తదుప‌రి సినిమా పాగ‌ల్ కోసం గొంతు స‌వ‌రించుకున్నారు విశ్వ‌క్. ఇప్ప‌టికే సాంగ్ రికార్డింగ్ కూడా కంప్లీట్ అయిపోయింద‌ని తెలిపాడు ఈ యంగ్ హీరో. విశ్వ‌క్ సేన్ అంటే..ఓ స్టార్ హీరో, ఓ మంచి యాక్ట‌ర్ అని అనిపించుకోవాల‌ని తెలిపాడు. త‌న నెక్ట్స్ సినిమా ప‌క్కా ప్యామిలీ ఎంట‌ర్టైన‌ర్ అని చెప్పుకొచ్చాడు.

విశ్వ‌క్ సేన్ చెప్పిన మ‌రిన్ని విశేషాలు దిగువ వీడియోలో చూడండి..