Chhaava OTT: ఇదెక్కడి ట్విస్ట్ రా మావ..! థియేటర్స్‌లో ఉండగానే ఓటీటీలోకి ఛావా..

చిన్న సినిమాగా వచ్చి సంచలన విజయం సాధించిన సినిమాల్లో ఛావా సినిమా ఒకటి. బాలీవుడ్ లో తెరకెక్కిన ఈ సినిమా భారీ విజయాన్ని అందుకుంది. విక్కీ కౌశల్ , రష్మిక మందన్న జంటగా నటించిన ఈ సినిమా భారీ విజయం సాధించడంతో పాటు కలెక్షన్స్ పరంగాను అదరగొట్టింది. ఇప్పటికే బాలీవుడ్ లో రూ. 500కోట్లకు పైగా వసూల్ చేసింది ఈ మూవీ.  మరాఠా రాజు ఛత్రపతి శంభాజీ మహారాజ్ జీవితం ఆధారంగా ఈ సినిమాను తెరకెక్కించారు. ఛత్రపతి శంభాజీ మహారాజ్ పాత్రలో నటుడు విక్కీ కౌశల్ అద్భుతంగా నటించి మెప్పించాడు. ఈ సినిమా ఫిబ్రవరి 14, 2025న థియేటర్లలో విడుదలైంది. తొలి షోతోనే చావా సినిమా ఆ బ్లాక్ బస్టర్ టాక్ సొంతం చేసుకుంది.

చరిత్రలో చాల మందికి తెలియని ఓ గొప్ప మహారాజ్ శంభాజీ గురించి ఈ సినిమాలో చూపించారు. ఈ సినిమాలో విక్కీ కౌశల్ తో పాటు.. రష్మిక మందన్న, అక్షయ్ ఖన్నా ప్రధాన పాత్రల్లో నటించారు. చావా చిత్రానికి లక్ష్మణ్ ఉడేకర్ దర్శకత్వం వహించారు. మాడాక్ ఫిల్మ్స్‌కు చెందిన దినేష్ విజన్ నిర్మించారు. ఈ చిత్రం శివాజీ సావంత్ మరాఠీ నవల చావా ఆధారంగా రూపొందించారు. బాలీవుడ్ లో దుమ్మురేపిన ఈ సినిమా ఇప్పుడు తెలుగులోనూ రిలీజ్ అయ్యింది. మార్చి 7న ఛావా సినిమా తెలుగులోనూ విడుదలైంది.

ఇక ఇప్పుడు ఈ సినిమా ఎప్పుడెప్పుడు ఓటీటీలోకి వస్తుందా అని అభిమానులు, ప్రేక్షకులు ఎదురుచూస్తున్నారు. ఈ క్రమంలోనే ఇప్పుడు ఛావా సినిమా ఓటీటీ రిలీజ్ గురించి ఆసక్తికర న్యూస్ ఇప్పుడు సోషల్ మీడియాలో వైరల్ అవుతుంది. ఇప్పటికీ థియేటర్స్ లో రన్ అవుతున్న ఈ సినిమా ఇప్పుడు ఓటీటీలోకి రానుందని తెలుస్తుంది. ఈ సినిమా డిజిటల్ రైట్స్ ను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. ఫ్యాన్సీ రేటుకు ఈ సినిమాను నెట్ ఫ్లిక్స్ సొంతం చేసుకుందని తెలుస్తుంది. ఈ సినిమా ఏప్రిల్ 11న స్ట్రీమింగ్ కాబోతున్నట్లు తెలుస్తుంది. అయితే ఇప్పుడు ఈ సినిమాకు మరింత హైప్ రావడంతో పాటు క్రేజ్ తగ్గక పోవడంతో ఓటీటీ రిలీజ్ లెట్ అయ్యే అవకాశం ఉందని అంటున్నారు.

మరిన్ని సినిమా వార్తల కోసం ఇక్కడ క్లిక్ చేయండి.