Manchu Lakshmi: హోటల్‌లో మంచు లక్ష్మికి చేదు అనుభవం.. వీడియో షేర్ చేసి ఆగ్రహం వ్యక్తం చేసిన టాలీవుడ్ నటి
టాలీవుడ్ ప్రముఖ నటి, నిర్మాత మంచు లక్ష్మికి చెన్నైలోని ఒక ప్రముఖ హోటల్‌లో చేదు అనుభవం ఎదురైంది. ఈ విషయాన్ని స్వయంగా ఆమెనే సోషల్ మీడియాలో షేర్ చేసింది. ట్విట్టర్ లో ఒక వీడియోను షేర్ చేస్తూ హోటల్ యాజమాన్యంపై తీవ్రంగా మండిపడింది.
టాలీవుడ్ ప్రముఖ నటి ఇప్పుడు పెద్దగా సినిమాల్లో నటించడం లేదు. టీవీ షోలోనూ పెద్దగా కనిపించడం లేదు. ప్రస్తుతం ఎక్కవగా ముంబైలోనే ఉంటోన్న ఈ ముద్దుగుమ్మ అప్పుడప్పుడు మాత్రమ హైదరాబాద్ కు వస్తోంది. ఈ క్రమంలో తాజాగా చెన్నైకు వెళ్లిన మంచు లక్ష్మికి అక్కడి ఓ హోటల్ లో చేదు అనుభవం ఎదురైంది. ఈ విషయాన్ని స్వయంగా సోషల్ మీడియాలో షేర్ చేసి తీవ్ర ఆగ్రహం వ్యక్తం చేసింది. ఈ మేరకు ట్విట్టర్ (ఎక్స్) లో ఒక వీడియోను షేర్ చేసిన మంచు లక్ష్మి.. అందులో ఇలా చెప్పుకొచ్చింది. ‘ చెన్నైలోని గ్రీన్ పార్క్ హోటల్ లో ఎదురైన అనుభ‌వంతో నేను పూర్తిగా నిరాశ చెందాను. నేను ప్ర‌పంచం లో ఎన్నో ప్లేస్ లకు వెళ్లాను. ఎక్కడా ఇలాంటి రూల్స్ చూడలేదు. హోటల్ లోకి కనీసం నా కెమెరా మెన్ ను కూడా అనుమ‌తించ‌లేదు. ఇక్కడ కెమెరాల‌కు హోటల్ రూంలోకి అనుమ‌తించ‌మన్నారు. అయితే కెమెరాల‌ను అనుమ‌తించం అని నాకు ఎక్కడా ప్ర‌క‌ట‌న‌లు కూడా కనిపించ‌లేదు. ఇక్కడి మేనేజ‌ర్ ప్ర‌వ‌ర్త‌న కూడా దురుసుగా ఉంది. సిబ్బంది ప్ర‌వ‌ర్త‌న సైతం అలాగే ఉంది.
నేను అడిగిన ఏ ప్రశ్నకు కూడా హోటల్ సిబ్బంది సరైన సమాధానం ఇవ్వలేదు. అయితే ఇది వ‌ర‌కు నేను ఇదే హోటల్ లో దిగిన ఫోటోలు చూపించ‌డంతో అనుమతించారు. ఇది అతిథుల‌ను గౌర‌వించే విధానం కాదు. గ్రీన్ పార్క్ హోట‌ల్స్ అంటే నాకు ఎంతో అభిమానం. కానీ నాకు ఇక్కడే ఇలాంటి అనుభవం ఎదురైంది. దీనిపై యాజ‌మాన్యం స్పందించి మ‌ళ్లీ ఇలాంటివి జ‌ర‌గ‌కుండా చూడాలి’ అని కోరింది మంచు లక్ష్మ. ప్రస్తుతం ఈ వీడియో సామాజిక మాధ్యమాల్లో వైరల్ గా మారింది. దీనిని చూసిన నెటిజన్లు భిన్న రకాలుగా స్పందిస్తున్నారు.
మంచు లక్ష్మి షేర్ చేసిన వీడియో..
మరిన్ని సినిమా వార్తల కోసం ఇక్కడ క్లిక్ చేయండి.