Tollywood: అసలు మాటలే లేకుండా సినిమా తీసి హిట్ కొట్టిన తెలుగు డైరెక్టర్.. ఆయన స్థాయి వేరే..

ప్రయోగాత్మక చిత్రాలతో తెలుగు చిత్ర పరిశ్రమకు గౌరవాన్ని పెంచిన దర్శకుడు సింగీతం శ్రీనివాసరావు. మాటలే లేకుండా ఆయన సినిమా తీసి రంజింపచేశారంటే మాములు విషయమా..?. చివరగా 2013లో వెల్ కమ్ ఒబామా అనే సినిమాకు డైరెక్ట్ చేశారు సింగీతం.  చాలా గ్యాప్ తర్వాత 94 ఏళ్ల వయసులో ఆయన మెగా ఫోన్ పట్టారు. వైజయంతీ మూవీస్ బ్యానర్‌పై ఆయన ఓ చిత్రాన్ని తీయబోతున్నారు. దీనికి రాక్ స్టార్ దేవీ శ్రీ ప్రసాద్ మ్యూజిక్ అందిస్తూ ఉండటం విశేషం.

సింగీతం శ్రీనివాసరావు తీసిన హిట్ అండ్ ప్లాప్ సినిమాల లిస్ట్ ఇప్పుడు చూద్దాం.. 

సింగీతం దర్శకత్వంలో వచ్చిన చిత్రాలలో నీతి నిజాయితీ, జమీందారుగారి అమ్మాయి, పంతులమ్మ, సొమ్మొకడిది సోకొకడిది, పిల్ల జమీందార్, అమావాస్య చంద్రుడు, చాలిసువ మొదగలు, ఎరడు నక్షత్రగలు, శ్రావణ బంతు, భాగ్యాద లక్ష్మి బారమ్మ, దేవత మానుష్య, ఆడవాళ్ళకు మాత్రమే వంటివి సూపర్ హిట్‌లుగా నిలిచాయి. దిక్కట్ర పార్వతి, తరం మారింది, హల్లు జేను, మయూరి, జ్వాలాముఖి, పుష్పక విమానం, విచిత్ర సోదరులు, మైకిల్ మదన కామరాజు, ఆదిత్య 369, బృందావనం, భైరవ ద్వీపం వంటి చిత్రాలు బ్లాక్ బస్టర్ విజయాలు సాధించాయి. అమెరికా అమ్మాయి, మంగళ తోరణాలు, త్రిలోక సుందరి, గందరగోళం, వసంత గీతం, ఆనంద్, మేడమ్ చిత్రాలు హిట్‌లుగా నమోదయ్యాయి. ఒక దీపం వెలిగింది, అందమే ఆనందం, నిరుపరాయుం నిరవిలుక్కుం, రామచిలక, గమ్మత్తు గూడాచారులు, జేగంటలు, రాజు రాణి జాకీ, సంగీత సామ్రాట్, అమెరికా అబ్బాయి, చిరంజీవి సుధాకర, నవ్వండి లవ్వండి, మేకప్ చిత్రాలు యావరేజ్‌గా నిలిచాయి. అయితే, కొన్ని చిత్రాలు వాణిజ్యపరంగా నిరాశపరిచాయి. క్షీరసాగర, ఫూల్, చిన్న వాతియార్, శ్రీ కృష్ణార్జున విజయం, రాజహంస, తువ్వి తువ్వి, లిటిల్ జాన్, ఆకాశ వీధిలో, విజయము, సన్ ఆఫ్ అల్లాద్దీన్, ముంబై ఎక్స్ప్రెస్, ఘటోత్కచ్, వెల్కమ్ ఒబామా, ప్రతిబింబాలు వంటివి ఫ్లాప్‌లుగా గుర్తించబడ్డాయి. ఇది సింగీతం శ్రీనివాసరావు గారి సినీ ప్రస్థానంలోని అన్ని కోణాలను వివరిస్తుంది.

ఆయన తీసిన పుష్పక విమానం ఓ అద్భుతం… 

మాటలు లేకుండా సినిమా తీయడం ఏంటండీ అసలు. ఆ ఐడియా చెప్తే ఏ నిర్మాత అంగీకరించే సాహసం చేయరు. కానీ సింగీతం అసాధ్యాన్నిసుసాధ్యం చేశారు. ‘ పుష్పక విమానం ’ అనే  నిశ్శబ్ద చిత్రం తీసి ప్రేక్షకులను సర్‌ప్రైజ్ చేశారు. 1987లో విడుదలైన ఈ చిత్రం వసూళ్ల పరంగానూ సంచలనం క్రియేట్ చేసింది. కేవలం 35 లక్షలతో తీసిన ఈ సినిమా అప్పట్లో కోటి రూపాయలు వసూలు చేసింది. సినిమాలో.. మాటలు లేకపోయినా.. భావాలు, హావభావాలు, మ్యూజిక్ ద్వారా  స్టోరీని అద్భుతంగా చెప్పిన సింగీతం దర్శకత్వ ప్రతిభపై అప్పట్లో ప్రశంసల వర్షం కురిపించింది.

మరిన్ని సినిమా వార్తల కోసం ఇక్కడ క్లిక్ చేయండి.