Sreeleela: అలాంటి అబ్బాయే కావాలంటున్న శ్రీలీల.. బ్రెయిన్‏తో పనిలేదు.. ఫన్నీ ఇంటర్వ్యూ చూశారా ?.. 

Sreeleela

టాలీవుడ్ మోస్ట్ వాంటెడ్ హీరోయిన్‏గా ఫుల్ క్రేజ్ సంపాదించుకుంది శ్రీలీల. పెళ్లి సందడి సినిమాతో తెరంగేట్రం చేసి అతి తక్కువ సమయంలోనే స్టార్ డమ్ సొంతం చేసుకుంది. తెలుగులో వరుస ఆఫర్స్ అందుకుంటూ క్షణం తీరిక లేకుండా గడిపేసింది. కానీ.. గతేడాదిగా ఈ బ్యూటీ ఖాతాలో డిజాస్టర్స్ వచ్చి చేరాయి. ఆమె నటించిన ఎక్స్ ట్రా ఆర్టీనరి మ్యాన్, స్కంద చిత్రాలు బాక్సాఫీస్ వద్ద బోల్తా పడ్డాయి. ఇటీవలే గుంటూరు కారం సినిమాతో హిట్ అందుకుంది. త్రివిక్రమ్ డైరెక్షన్లో సూపర్ స్టార్ మహేష్ బాబు నటించిన ఈ మూవీ సూపర్ హిట్ అయ్యింది. సంక్రాంతి పండక్కి రిలీజ్ అయ్యి భారీ వసూళ్లు రాబట్టింది. అటు చేతినిండా సినిమాలతో.. ఇటు డాక్టర్ చదువులతో బిజీగా ఉంటుంది. అందం, అభినయం..డాన్స్ తో ప్రేక్షకులను ఆకట్టుకుంటుంది ఈ బ్యూటీ. ప్రస్తుతం ఈ ముద్దుగుమ్మ చేతిలో పలు సినిమాలు ఉన్నాయి. అయితే ఇటీవలే ప్రముఖ నిర్మాత సంస్థ పీపుల్ మీడియా ఎంటర్టైన్మెంట్స్ సంస్థ ‘ఒరిజినల్’ అనే ఇంటర్వ్యూ ప్రోగ్రాంను మొదలుపెట్టింది. ఈ ఇంటర్వ్యూలను సౌమ్య హోస్ట్ చేస్తుండగా.. పలువురు సెలబ్రెటీలను ఇంటర్వ్యూ చేస్తుంది. ఈ ప్రోగ్రామ్ ఫస్ట్ ఎపిసోడ్ కు శ్రీలీల మొదటి అతిథిగా వచ్చింది. ఇందులో క్యూట్ ఫన్నీ క్వశ్చన్స్ అడగ్గా.. ఇంట్రెస్టింగ్ ఆన్సర్స్ ఇచ్చింది శ్రీలీల. ప్రస్తుతం ఇందుకు సంబంధించిన ప్రోమో నెట్టింట వైరలవుతుంది.

అందులో తన తల్లికి తెలియకుండా చేసిన అల్లరి పనులు గురించి చెప్పుకొచ్చింది. అలాగే ఇప్పటివరకు తనకు ఎవరు ప్రపోజ్ చేయలేదని తెలిపింది. ఈ క్రమంలోనే యాంకర్ సౌమ్య మాట్లాడుతూ.. మీకు బ్రెయిన్ ఉన్న అబ్బాయి కావాలా.. ఫన్నీ, జోవియల్ గా ఉండే అబ్బాయి కావాలా అని అడగ్గా.. శ్రీలీల మాట్లాడుతూ.. తనకు ఫన్నీగా, జోవియల్ గా ఉండే అబ్బాయే కావాలని.. బ్రెయిన్ తో చేసే పనులు నేను చూసుకుంటాను అంటూ చెప్పుకొచ్చింది. అంటే పరోక్షంగా తనకు బ్రెయిన్ లేని అబ్బాయి అయిన పర్లేదు అనట్లు మాట్లాడింది. ప్రస్తుతం ఈ ఫన్నీ ఇంటర్వ్యూ ప్రోమో సోషల్ మీడియాలో వైరలవుతుంది.

ప్రస్తుతం శ్రీలీల విజయ్ దేవరకొండ జోడిగా ఓ సినిమాలో నటిస్తుంది. అలాగే డైరెక్టర్ హరీష్ శంకర్, పవర్ స్టార్ పవన్ కళ్యాణ్ కాంబోలో వస్తోన్న ఉస్తాద్ భగత్ సింగ్ సినిమాలో నటిస్తుంది. కొద్దిరోజులుగా ఈ మూవీ షూటింగ్ శరవేగంగా జరుగుతుంది. అయితే ఇప్పుడు ఈ బ్యూటీ కెరీర్ డేంజర్ లో పడినట్లు తెలుస్తోంది. గుంటూరు కారం తర్వాత ఈ హీరోయిన్ మరో ప్రాజెక్ట్ అనౌన్స్ చేయలేదు. ఇప్పటికే కమిట్ అయిన ప్రాజెక్ట్స్ తప్ప.. మరో కొత్త ఆఫర్స్ రావడం లేదని ప్రచారం నడుస్తుంది. దీంతో శ్రీలీల ఇప్పుడే సినిమాల ఎంపికపై మరింత శ్రద్ధ పెట్టాలని సూచిస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.