Sai Dharam Tej: లుంగీ కట్టుకొని సాయి ధరమ్ తేజ్ ప్రమోషన్స్.. అసలు విషయం చెప్పిన మెగా మేనల్లుడు
కార్తీక్ వర్మ దండు దర్శకత్వంలో తెరకెక్కిన ఈ సినిమా సస్పెన్స్ థ్రిల్లర్ గా రానుంది. బ్లాక్ మ్యాజిక్ నేపథ్యంలో తెరకెక్కుతోన్న ఈ సినిమాలో సంయుక్త మీనన్ హీరోయిన్ గా నటిస్తోంది.
మెగా మేనల్లుడు సాయి ధరమ్ తేజ్ త్వరలోనే విరూపాక్ష అనే సినిమాతో ప్రేక్షకుల ముందుకు రానున్నాడు. ఈ నెల 21న అంటే (శుక్రవారం) ఈ సినిమా రిలీజ్ కానుంది. కార్తీక్ వర్మ దండు దర్శకత్వంలో తెరకెక్కిన ఈ సినిమా సస్పెన్స్ థ్రిల్లర్ గా రానుంది. బ్లాక్ మ్యాజిక్ నేపథ్యంలో తెరకెక్కుతోన్న ఈ సినిమాలో సంయుక్త మీనన్ హీరోయిన్ గా నటిస్తోంది. ఇప్పటికే విడుదలైన ఈ మూవీ టీజర్, ట్రైలర్ సినిమా పై ఆసక్తిని పెంచేశాయి. ఇక ఈ సినిమా ప్రమోషన్స్ శరవేగంగా జరుగుతున్నాయి. అయితే ఈ మూవీ ప్రమోషన్స్ లో తేజ్ లుంగీతో కనిపించి ఆకట్టుకుంటున్నాడు. ఎక్కడికి వెళ్లినా లుంగీలోనే దర్శనమిస్తున్నాడు. తాజాగా ఈ లుంగీ వెనకున్న కథను చెప్పాడు తేజ్.
తాజాగా ఈ మూవీ ప్రమోషన్స్ లో భాగంగా తేజ్ మాట్లాడుతూ లుంగీ గురించి తెలిపాడు. విరూపాక్ష సినిమా పాన్ ఇండియా మూవీ రాబోతున్న విషయం తెలిసిందే. మన తెలుగు సినిమాను రిప్రజెంట్ చేస్తూ తాను లుంగీలో ప్రమోషన్స్ కు వస్తున్నానని తెలిపాడు.
అలాగే సమ్మర్ కావడంతో లుంగీ చాలా కంఫర్ట్ అంటూ సరదాగా చెప్పుకొచ్చారు తేజ్. పీరియాడిక్ బ్యాక్ డ్రాప్ లో ఈ సినిమా తెరకెక్కిందని సాయితేజ్ తెలిపాడు. ముందుగా తెలుగులో రిలీజ్ చేసి ఆతర్వాత ఇతర భాషల్లో రిలీజ్ చేస్తామని తెలిపాడు తేజ్. తొలిసారి కొత్త జానర్ లో నటిస్తున్నానని.. సినిమా ప్రేక్షకులను తప్పకుండా మెప్పింస్తుందని చెప్పుకొచ్చారు తేజ్.