Rahul Sipligunj: రాహుల్ సిప్లిగంజ్‌కు కాబోయే భార్య.. ఆ టీడీపీ నేత కుమార్తె అట..!

టాలీవుడ్ ఫేమస్ సింగర్.. రాహుల్ సిప్లిగంజ్ త్వరలోనే వివాహ బంధంలోకి అడుగుపెట్టబోతున్నాడు. హరిణ్య రెడ్డి అనే యువతితో ఆయన నిశ్చితార్థం హైదరాబాద్‌లోని ఐటీసీ కోహినూర్ హోటల్‌లో ఆగస్టు 17వ తేదీ, ఆదివారం జరిగింది. కుటుంబ సభ్యులు, సన్నిహితులు మాత్రమే ఈ వేడకకు హాజరయ్యారు. రాహుల్ ఎంగేజ్‌మెంట్‌కు సంబంధించిన ఫోటోలు సోషల్ మీడియాలో వైరల్ అవుతున్నాయి.

నిశ్చితార్థం ఫోటోలు బయటకు రావడంతో హరిణ్య రెడ్డి ఎవరు? అనే ఆసక్తి అందరిలోనూ మొదలైంది. ఇన్‌స్టాగ్రామ్‌లో ఆమెకు ఇప్పటికే 15 వేల మందికి పైగా ఫాలోవర్లు ఉన్నారు. రాహుల్ కూడా ఆమెను ఫాలో అవుతున్నారు. గత కొంతకాలంగా వీరిద్దరూ లవ్‌లో ఉన్నారని సన్నిహితులు చెబుతున్నారు. కాగా హరిణ్య రెడ్డికి పొలిటికల్ బ్యాగ్రౌండ్ ఉంది. ఆమెది తెలుగు దేశం పార్టీకి దగ్గరగా ఉండే కుటుంబంగా తెలుస్తుంది. టీడీపీ సీనియర్ నేత, నెల్లూరు అర్బన్ డెవలప్‌మెంట్ అథారిటీ (NUDA) ఛైర్మన్ కోటంరెడ్డి శ్రీనివాసులు రెడ్డి సోదరుడి కుమార్తె హరిణ్య రెడ్డి. కాగా ఆ ఫ్యామిలీ అంతా నందమూరి బాలకృష్ణకు అత్యంత సన్నిహితంగా ఉంటారని తెలుస్తోంది.

ఈ విషయాన్ని స్వయంగా కోటంరెడ్డి శ్రీనివాసులు రెడ్డి సోషల్ మీడియా వేదికగా వెల్లడించారు. “ఆస్కార్ అవార్డు గెలుచుకున్న గాయకుడు రాహుల్ సిప్లిగంజ్‌తో మా అన్న కూతురు హరిణ్య రెడ్డి నిశ్చితార్థం హైదరాబాద్‌లోని ఐటీసీ కోహినూర్‌లో పెద్దల ఆశీర్వాదాలతో ఘనంగా జరిగింది.” అంటూ ఆయన ఫోటోలు షేర్ చేశారు.