Thellavarithe Guruvaram : తెల్లవారితే గురువారం సినిమానుంచి అందమైన మెలోడీ.. సంగీతం అందించిన కాలభైరవ
ప్రముఖ సంగీత దర్శకులు ఎం.ఎం.కీరవాణి తనయుడు, యుంగ్ మ్యూజిక్ కంపోజర్ కాల భైరవ తమ్ముడు, యువ నటుడు శ్రీ సింహా కోడూరి. ఈ యంగ్ హీరో తొలి చిత్రం ‘మత్తు వదలరా’ తో గుర్తింపు తెచ్చుకున్నాడు.
Thellavarithe Guruvaram : ప్రముఖ సంగీత దర్శకులు ఎం.ఎం.కీరవాణి తనయుడు, యుంగ్ మ్యూజిక్ కంపోజర్ కాల భైరవ తమ్ముడు, యువ నటుడు శ్రీ సింహా కోడూరి. ఈ యంగ్ హీరో తొలి చిత్రం ‘మత్తు వదలరా’ తో గుర్తింపు తెచ్చుకున్నాడు. ఇప్పుడు వరుస సినిమాలతో దూసుకుపోతున్నాడు. ఈ క్రమంలోనే తెల్లవారితే గురువారం అనే సినిమా చేస్తున్నాడు. మణికాంత్ దర్శకత్వంలో వారాహి చలనచిత్రం, లౌక్య ఎంటర్‌టైన్‌మెంట్స్ సంస్థలు సంయుక్తంగా నిర్మిస్తున్నాయి. కాల భైరవ సంగీతమందిస్తున్నాడు.మార్చి 27న ఈ చిత్రాన్ని విడుదల చేయ‌నున్న‌ట్లు చిత్ర బృందం ప్రకటించింది.
తాజాగా ఈ సినిమానుంచి అందమైన మెలోడీని రిలీజ్ చేశారు చిత్రయూనిట్. క్రేజీస్టార్ విజయ్ దేవరకొండ ఈ పాటని సోషల్ మీడియా వేదికగా విడుదల చేసి చిత్ర యూనిట్ కు బెస్ట్ విషెస్ అందజేశారు. ‘మెల్లగా మెల్లగా.. దారులే మారినా.. కొత్తగా కొత్తగా పయణమే చూపినా’ అంటూ సాగిన ఈ గీతాని కాలభైరవ సింగర్ సాహితీ చాగంటి తో కలిసి ఆలపించారు.ఈ పాటకు లిరిసిస్ట్ రఘురామ్ సాహిత్యం అందించారు. ఈ చిత్రంలో రాజీవ్ కనకాల – సత్య – అజయ్ ఈ చిత్రంలో ఇతర పాత్రలు పోషించారు. ఇక మార్చి 21న ఈ సినిమా ప్రీ రిలీజ్ ఈవెంట్ కు యంగ్ టైగర్ ఎన్టీఆర్ – దర్శకధీరుడు రాజమౌళి స్పెషల్ గెస్ట్స్ గా రానున్నారు.
మరిన్ని ఇక్కడ చదవండి :
Ajith Kumar : మరోసారి అభిమానుల మనసు గెలుచుకున్న స్టార్ హీరో.. ఆటోలో ప్రయాణించిన అజిత్