Nandamuri Kalyan Ram: ఈ నందమూరి హీరోని కోలుకోలేని దెబ్బకొట్టిన సినిమా అదేనట..
నందమూరి ఫ్యామిలీలో హీరోలుగా రాణిస్తున్న వారిలో నందమూరి కళ్యాణ్ రామ్(Nandamuri Kalyan Ram)ఒకరు. కళ్యాణ్ రామ్ వరుసగా సినిమాలు చేస్తూ దూసుకుపోతున్నారు ఈ యాక్షన్ హీరో.
నందమూరి ఫ్యామిలీలో హీరోలుగా రాణిస్తున్న వారిలో నందమూరి కళ్యాణ్ రామ్(Nandamuri Kalyan Ram)ఒకరు. కళ్యాణ్ రామ్ వరుసగా సినిమాలు చేస్తూ దూసుకుపోతున్నారు ఈ యాక్షన్ హీరో. పటాస్ సినిమా తర్వాత ఆ స్థాయిలో హిట్ కొట్టడానికి చాలా ప్రయత్నిస్తున్నారు కళ్యాణ్ రామ్. ప్రస్తుతం కళ్యాణ్ రామ్ నటిస్తున్న బింబిసార సినిమా ప్రేక్షకుల ముందుకు రాబోతుంది. వశిష్ఠ దర్శకత్వం వహిస్తున్న ఈ సినిమాలో కళ్యాణ్ రామ్ బింబిసారుడిగా అదరగొట్టనున్నాడు. ఇప్పటికే విడుదలైన ఈ సినిమా పోస్టర్లు, టీజర్, ట్రైలర్లు సినిమా పై ఆసక్తిని పెంచేశాయి. ఈ సినిమా ఎప్పుడెప్పుడు చూద్దామా అని నందమూరి అభిమానులు ఆసక్తిగా ఎదురుచూస్తున్నారు. ఇక ఈ సినిమా ప్రీరిలీజ్ ఈవెంట్ గ్రాండ్ గా జరిగిన విషయం తెల్సిందే. ఇక బింబిసార సినిమా రిలీజ్ దగ్గరపడుతున్న నేపథ్యంలో తాజాగా ఓ ఇంట్రవ్యూలో కళ్యాణ్ రామ్ మాట్లాడుతూ ఆసక్తికర కామెంట్స్ చేశారు.
కళ్యాణ్ రామ్ మొదటి నుంచి ప్రయోగత్మాక సినిమాలు చేయడానికి ఇష్టపడుతూ ఉంటారు. ఈ క్రమంలోనే ఓం త్రీడి అనే సినిమా చేశారు. భారీ బడ్జెట్ తో తెరకెక్కిన ఈ సినిమా ఆర్ధికంగా దెబ్బతీసిందని.. ఆ సినిమా వల్ల చాలా నష్టపోయానని కళ్యాణ్ రామ్ అన్నారు. ఓం సినిమా దెబ్బకు తన లెక్కలన్నీ తారుమారయ్యాయని.. ఆ నష్టం నుంచి కోలుకోవడానికి రెండేళ్ల తర్వాత వచ్చిన పటాస్ సినిమా రికవరీ చేసిందని.. ఓం సినిమా విషయంలో చాలా ఫీల్ అయ్యానని అన్నారు కళ్యాణ్ రామ్. ఇక బింబిసార సినిమా పై చాలా నమ్మకంతో ఉన్నారు కళ్యాణ్ రామ్. ఈ సినిమాలో కళ్యాణ్ రామ్ సరసన సంయుక్త మీనన్. క్యాథరిన్ హీరోయిన్స్ గా నటిస్తున్నారు.