కళాతపస్వి కె విశ్వనాథ్‌ భార్య కన్నుమూత

K Viswanath Wife Expired

తెలుగు చిత్ర పరిశ్రమను వరుస విషాదాలు వెంటాడుతున్నాయి. దివంగత దిగ్గజ దర్శకుడు, కళాతపస్విగా పేరొందిన కాశీనాథుని విశ్వనాథ్‌ (92) మరణించిన 24 రోజుల వ్యవధిలోనే ఆయన సతీమణి జయలక్ష్మి కూడా అనంతలోకాలకు చేరుకున్నారు. జయలక్ష్మి (86) ఆదివారం (ఫిబ్రవరి 26) గుండెపోటుతో (కార్డియాక్‌ అరెస్ట్‌)తో మృతి చెందారు.

కాగా ఈ ఏడాది ఫిబ్రవరి 2వ తేదీన వృద్ధాప్య సంబంధిత సమస్యలతో బాధపడుతూ ప్రముఖ దర్శకుడు కె విశ్వనాథ్‌ 92 ఏళ్ల వయసులో కన్నుమూసిన సంగతి తెలిసిందే.  ఆయన మరణించిననాటి నుంచి జయలక్ష్మి తీవ్ర అస్వస్థతతో బాధపడుతున్నారు. ఈ క్రమంలో  ఆదివారం నాడు గుండెపోటుతో ఆమె కన్నుమూశారు. జయలక్ష్మి మృతి పట్ల పలువురు సినీ ప్రముఖులు సంతాపం వ్యక్తం చేస్తున్నారు.

మరిన్ని సినిమా వార్తల కోసం క్లిక్‌ చేయండి.