Akkineni Nagarjuna: అలా జరిగితే.. మా ప్రతి సినిమాకు వరంగల్‌కు వస్తాం.. నాగార్జున ఆసక్తికర కామెంట్స్

అక్కినేని యంగ్ హీరో అఖిల్ నటిస్తున్న నయా సినిమా ఏజెంట్. ఈ సినిమా పై అక్కినేని అభిమానులు భారీ అంచనాలు పెట్టుకున్నారు. ఈ సినిమాతో అఖిల్ సాలిడ్ హిట్ కొట్టడం ఖాయం అంటున్నారు ఫ్యాన్స్. సురేందర్ రెడ్డి దర్శకత్వంలో తెరకెక్కుతోన్న ఈ మూవీ యాక్షన్ థ్రిల్లర్ గా రానుంది. ఈ మూవీలో అఖిల్ రా ఏజెంట్ గా కనిపించనున్నారు. ఇప్పటికే ఈ సినిమా నుంచి విడుదలైన టీజర్, ట్రైలర్ ప్రేక్షకులను విపరీతంగా ప్రేక్షకులను ఆకట్టుకున్నాయి. ఈ సినిమాతో ఎలాగైన హిట్ కొట్టాలన్న కసి మీదున్నాడు అఖిల్. ఇక ఈ సినిమాలో మలయాళ సూపర్ స్టార్ మమ్ముట్టి కీలక పాత్రలో నటిస్తున్నారు. అందాల భామ సాక్షి వైద్య హీరోయిన్ గా నటిస్తోన్న ఈ సినిమా ఈ నెల 28న ప్రేక్షకుల ముందుకు రానుంది. తాజాగా ఈ మూవీ ప్రీరిలీజ్ ఈవెంట్ ను వరంగల్ లో నిర్వహించారు.

ఈ కార్యక్రమానికి కింగ్ నాగార్జున గెస్ట్ గా హాజరయ్యారు. నాగ్ తో పాటు ఎర్రబెల్లి దయాకర్‌రావు కూడా హాజరయ్యారు. ఇక ఈ ఈవెంట్ లో నాగార్జున మాట్లాడుతూ ఆసక్తికర కామెంట్స్ చేశారు. ఏజెంట్ హిట్ అయితే ప్రతి సినిమాకు వరంగల్ వస్తామన్నారు నాగార్జున.

ఆయన మాట్లాడుతూ.. సినిమా హిట్ అవ్వాలంటే ఏ ఏ ఎలిమెంట్స్ ఉండాలో సురేందర్ రెడ్డి ఈ సినిమాకు అవన్నీ సమకూర్చారు అన్నారు.లుగు ప్రేక్షకులు గొప్పవాళ్లు.. మంచి సినిమాలను తప్పకుండా హిట్‌ చేస్తారు. ఈ సినిమా కచ్చితంగా హిట్‌ అవుతుంది. పోరాటాలకు అడ్డా.. వీరత్వానికి ఇంటి పేరు వరంగల్‌. షూటింగ్‌.. ప్రీ రిలీజ్‌.. ఇలా ఏదో ఒక కార్యక్రమం వరంగల్‌లో నిర్వహించిన సినిమాలన్నీ హిట్‌ అయ్యాయి  ఈ సినిమాకూడా హిట్ అవుతుంది అన్నారు నాగార్జున.