Anil Ravipudi : బాలయ్య తర్వాత ఆ స్టార్ హీరోతో అనిల్ రావిపూడి సినిమా చేయనున్నాడా..?

అనిల్ రావిపూడి.. ఈ పేరు తెలియని టాలీవుడ్ ప్రేక్షకులు ఉండరు. తెలుగులో సక్సెస్ ఫుల్ దర్శకుడిగా దూసుకుపోతున్నాడు ఈ యంగ్ డైరెక్టర్.  రైటర్ గా పలు సినిమాలకు పని చేసిన అనిల్. ఆతర్వాత పటాస్ సినిమాతో దర్శకుడిగా పరిచయం అయ్యాడు. కళ్యాణ్ రామ్ హీరోగా నటించిన ఈ సినిమా సూపర్ హిట్ గా నిలిచింది. ఆ తర్వాత వరుసగా సినిమాలు చేస్తూ ప్రేక్షకులను ఆకట్టుకున్నాడు. పటాస్ తర్వాత సుప్రీమ్, రాజా ది గ్రేట్, ఎఫ్ 2, సరిలేరు నీకెవ్వరు, ఎఫ్ 3 లాంటి సినిమాలు చేసి ఆకట్టుకున్నాడు. ఇక ఇప్పుడు నటసింహం నందమూరి బాలకృష్ణతో సినిమా చేస్తున్నారు అనిల్. మొదటి సారి సీనియర్ హీరోను డైరెక్ట్ చేయనున్నాడు. ఈ సినిమాకు భగవంత్ కేసరి అనే పవర్ఫుల్ టైటిల్ తో ఈ సినిమా తెరకెక్కుతోంది.

ఈ సినిమాలో బాలకృష్ణ డిఫరెంట్ లుక్ లో కనిపించనున్నారు. ఇప్పటికే ఈ మూవీ నుంచి రిలీజ్ అయిన పోస్టర్స్ ప్రేక్షకులను ఆకట్టుకోవడంతో పాటు సినిమా పై అంచనాలు పెంచేసింది. ఇక ఈ సినిమాలో కాజల్, శ్రీలీల హీరోయిన్స్ గా నటిస్తున్నారు. ఈ సినిమా షూటింగ్ శరవేగంగా జరుగుతోంది.

ఇక ఈ సినిమా తర్వాత అనిల్ ఎవరితో సినిమా చేయనున్నారన్నది ఇప్పుడు ఆసక్తికరంగా మారింది. ఇదిలా ఉంటే బాలయ్య తర్వాత అనిల్ మరో స్టార్ హీరోతో సినిమా చేయాలని చూస్తున్నారట. బాలయ్య తర్వాత అనిల్ ఎన్టీఆర్ తో సినిమా చేయాలని ప్రయత్నిస్తున్నారట. ఇప్పటికే కళ్యాణ్ రామ్ తో పటాస్ చేసిన అనిల్, ఇప్పుడు బాలయ్యతో సినిమా చేస్తున్నాడు. ఇలా నందమూరి హీరోలతో సినిమాలు చేస్తున్న అనిల్ కు ఎన్టీఆర్ కూడా ఛాన్స్ ఇచ్చే ఛాన్స్ ఉందని తెలుస్తోంది. ప్రతిశుతం కొరటాల శివ దర్శకత్వంలో దేవర సినిమా చేస్తున్నాడు. అలాగే ప్రశాంత్ నీల్ తో ఓ సినిమా చేస్తున్నారు. ఆ తర్వాత అనిల్ తో సినిమా ఉండే ఛాన్స్ ఉందని తెలుస్తోంది.