Pushpa 2: The Rule: క్రేజీ న్యూస్.. బన్నీ బర్త్ డే కు అదిరిపోయే సర్‌ప్రైజ్ ఉండనుందా..?

ఐకాన్ స్టార్ అల్లు అర్జున్ పుష్ప సినిమాతో ఒక్కసారిగా పాన్ ఇండియా స్టార్ గా మారిపోయారు. అల్లు అర్జున్.. డైరెక్టర్ సుకుమార్ కాంబినేషన్ లో వచ్చిన పుష్ప చిత్రం సంచలనం సృష్టించిన సంగతి తెలిసిందే. ఎర్ర చందనం స్మగ్లింగ్ నేపథ్యంలో తెరకెక్కిన ఈ సినిమాలో బన్నీ.. స్మగ్లర్ పుష్పరాజ్ పాత్రలో అదరగొట్టారు. ఈ సినిమా భారీ వసూళ్లతో బాక్సాఫీస్ వద్ద రికార్డ్స్ క్రియేట్ చేయడమే కాకుండా.. విదేశాల్లో సైతం సత్తా చాటింది. ఈ మూవీతో బన్నీ, రష్మిక పాన్ ఇండియా స్తాయిలో క్రేజ్ సంపాదించుకున్నారు. ఇక ఈ సినిమా ఎఫెక్ట్ తో పుష్ప 2 పై భారీగా అంచనాలు నెలకొన్నాయి.ఇక ఈ సినిమా షూటింగ్ పనులు చకచకా జరుగుతున్నాయి.

ఇక పుష్ప2 లో మరింత ట్విస్ట్ లు యాక్షన్ సీన్స్ ఉండనున్నాయని తెలుస్తోంది. ఇక పుష్ప 2 కోసం అల్లు అర్జున్ ఫ్యాన్ అంత ఎంతో ఆసక్తిగా ఎదురుచూస్తున్నారు. ఫస్ట్ పార్ట్ రిలీజ్ అయ్యి ఏడాది పూర్తి అయినా, ఇప్పటి వరకు ఒక్క అప్డేట్ లేకపోవడంతో ఫ్యాన్స్ కాస్త నిరాశతో ఉన్నారు.

తాజాగా ఈ మూవీ నుంచి క్రేజీ న్యూస్ ఒకటి సోషల్ మీడియాలో తెగ వైరల్ అవుతోంది. అల్లు అర్జున్ బర్త్ డే కి అదిరిపోయే గిఫ్ట్ ఇవ్వనున్నారని తెలుస్తోంది. ఏప్రిల్ 8న అల్లు అర్జున్ బర్త్ డే ఉన్న సంగతి తెలిసిందే. దీంతో ఆ రోజున మూవీ నుంచి గ్లింప్స్ లేదా టీజర్ వచ్చే అవకాశం ఉన్నట్లు తెలుస్తుంది. చూడాలి మరి ఏం జరుగుతుందో..