స‌ల్మాన్.. త‌ల గోడ‌కేసి బ‌ద్ద‌లు కొట్టుకుంది ఎవ‌రి కోసం..?

బాలీవుడ్ ఫిల్మ్ ఇండ‌స్ట్రీలో ఎన్నో ప్రేమకథలు..ఎన్నో బ్రేక‌ప్స్…ఎవ‌రు ఎప్పుడు క‌లిసుంటారో తెలియదు. ఎవ‌రు ఎందుకు విడిపోతారో అంత‌క‌న్నా తెలీదు. ముఖ్యంగా 54 ఏళ్ల స్టిల్ బ్యాచిల‌ర్ స‌ల్మాన్ కెరీర్ లో ఇలాంటి సంఘ‌ట‌న‌లు చాలానే ఉన్నాయి.

మాజీ ప్ర‌పంచ సుంద‌రి ఐశ్వర్యా రాయ్‌ – సల్మాన్‌ ఖాన్‌ కలిసి ‘హమ్‌ దిల్‌ దే చుకే సనమ్’ మూవీలో న‌టించారు. సంజయ్‌ లీలా భన్సాలీ స్వీయ నిర్మాణంలో తెరకెక్కిన ఈ సినిమా ఊహ‌కంద‌ని విజయాన్ని సొంతం చేసుకుంది. అప్పుడే ‌ వీరిద్దరు ల‌వ్ లో ఉన్న‌ట్లు వార్త‌లు గుప్పుమ‌న్నాయి. ఓ సారి ఇద్ద‌రి మ‌ధ్య గొడ‌వ కూడా అయ్యింద‌ని..అప్పుడు స‌ల్మాన్ తన తలను గోడకేసి బద్దలు కొట్టుకున్నాడనే న్యూస్ కూడా చ‌క్క‌ర్లు కొట్టింది. ఆ త‌ర్వాతి కాలంలో ఇద్ద‌రి మ‌ధ్య‌ మనస్పర్థలు కూడా వచ్చాయని ప్రచారం జ‌రిగింది. దీనిపై గతంలో ఓ ఇంటర్వ్యూలో సల్మాన్‌ స్పందించాడు.

“కొన్నిసార్లు మా ఇద్దరి మధ్య సరైన బాండింగ్ లేనప్పుడు, నేనే ఎంతో ఆవేద‌న చెందాను త‌ప్ప‌.. వేరెవ్వరిని నొప్పించలేదు. జీవితంలో కొంద‌రు వ్య‌క్తులు, కొన్ని విషయాలు గుర్తుకు తెచ్చుకున్నప్పుడు సంతోషం కంటే బాధ‌లే ఎక్కువ‌ బాగా గుర్తుంటాయి” అని చెప్పాడు సల్మాన్.