Nee Sneham: నీ స్నేహం సినిమాలో ఉదయ్ కిరణ్ స్నేహితుడు గుర్తున్నాడా..? ఇప్పుడేం చేస్తున్నాడంటే..

Jathin

టాలీవుడ్ ప్రేక్షకులకు ఉదయ్ కిరణ్ ఒక ఎమోషనల్ అటాచ్‏మెంట్. ఎలాంటి బ్యాగ్రౌండ్ సపోర్ట్ లేకుండా ఇండస్ట్రీలోకి అడుగుపెట్టి స్టార్ హీరోగా గుర్తింపు తెచ్చుకున్నాడు. వరుసగా మూడు బ్లాక్ బస్టర్ హిట్స్ అందుకుని హ్యాట్రిక్ హీరోగా క్రేజ్ సంపాదించుకున్నారు. హృదయాలను కదిలించే ప్రేమకథలతో అప్పట్లో యూత్‏ను ఆకట్టుకున్నారు. ఒకప్పుడు ఉదయ్ కిరణ్ కు ఓ రేంజ్ ఫాలోయింగ్ ఉండేది. ఈ హీరో నటించిన సూపర్ హిట్ చిత్రాల్లో నీ స్నేహం ఒకటి. స్నేహం కోసం ప్రేమను వదులుకునే కుర్రాడి పాత్రలో కనిపించారు ఉదయ్ కిరణ్. ఈ సినిమాలో అర్తి అగర్వాల్, విశ్వనాథ్ కీలకపాత్రలు పోషించారు. 2002 నవంబర్ 1న విడుదలైన ఈ సినిమా భారీ వసూళ్లు రాబట్టింది. స్నేహం, ప్రేమ రెండూ విడదీయలేని బంధాల్ని కథాంశంగా రూపొందించిన ఈ సినిమా అప్పట్లో ప్రేక్షకులను ఫిదా చేసింది. ఇదిలా ఉంటే ఈ సినిమాలో ఉదయ్ కిరణ్ స్నేహితుడిగా నటించిన నటుడు జతిన్. ప్రాణస్నేహితులుగా ఉన్న వీరిద్దరి మధ్య వచ్చే ఎమోషన్స్ సీన్స్ ప్రేక్షకులకు కన్నీళ్లు పెట్టించాయి.

నీ స్నేహం సినిమా ద్వారా తెలుగు ప్రేక్షకులకు దగ్గరైన జతిన్ ఆ తర్వాత మరో సినిమాలో కనిపించలేదు. ముంబైలో జన్మించిన జతిన్ మోడల్ గా కెరీర్ ప్రారంభించాడు. ఆ తర్వాత పలు ప్రైవేట్ ఆల్బమ్స్, హిందీ మూవీస్ చేసి తనకంటూ ఓ గుర్తింపు తెచ్చుకున్నారు. అలాగే పలు టీవీ కార్యక్రమాల్లోనూ కనిపించారు. హిందీతోపాటు, తెలుగు, పంజాబీ చిత్రాల్లో నటించిన జతిన్ ఎక్కువగా నీ స్నేహం సినిమాతోనే క్రేజ్ తెచ్చుకున్నారు.

నటుడిగా చాలా తక్కువ సినిమాల్లో కనిపించిన జతిన్.. ఇప్పుడు అమెరికాలో సెటిల్ అయినట్లు తెలుస్తోంది. 2010లో కరోలినా గ్రేవాల్ అనే అమ్మాయిని వివాహం చేసుకున్నాడు జతిన్. వీరికి ఇద్దరు పిల్లలు నివసిస్తున్నారు. జతిన్ తన కుటుంబంతో కలిసి కాలిఫోర్నియాలో నివసిస్తున్నారు. ఇప్పుడు సినిమాలకు దూరంగా ఉంటున్న జతిన్ సోషల్ మీడియాలో యాక్టివ్ గా ఉంటున్నాడు. ఫ్యామిలీతో ఉన్న ఫోటోలను షేర్ చేస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.