Prabhas: రాఘవేంద్రరావు డైరెక్షన్‏లో ప్రభాస్ ఫస్ట్ సినిమా.. కానీ ఎలా మిస్సైందంటే..

తెలుగు సినీ పరిశ్రమలో దర్శకేంద్రుడుగా పేరుగాంచిన కె. రాఘవేంద్రరావు, ఇటీవల ఒక ఇంటర్వ్యూలో అనేక ఆసక్తికరమైన విషయాలను పంచుకున్నారు. వాటిలో యంగ్ రెబల్ స్టార్ ప్రభాస్ తొలి చిత్రం విషయంలో జరిగిన ఒక ముఖ్యమైన ఘట్టం, అలాగే నేడు గ్లోబల్ డైరెక్టర్‌గా వెలుగొందుతున్న ఎస్.ఎస్. రాజమౌళికి తాను తొలి అవకాశం ఎలా కల్పించాననే అంశాలు ప్రధానంగా నిలిచాయి. ప్రభాస్ మొదటి సినిమా విషయంలో రాఘవేంద్రరావు గారి పేరు ఎందుకు వినిపించలేదు? అనే ప్రశ్నకు రాఘవేంద్రరావు వివరణ ఇచ్చారు. కొత్త హీరోలను పరిచయం చేసే విషయంలో తన ట్రాక్ రికార్డ్ దృష్ట్యా, ప్రభాస్ కుటుంబం తనను సంప్రదించిందని ఆయన వెల్లడించారు. “ప్రభాస్‌ను కూడా యాక్చువల్‌గా నేను ఇంట్రడ్యూస్ చేయాల్సింది. తమ్ముడు వచ్చి ఇట్లా ప్రభాస్ రెడీ అయ్యాడు, ట్రైనింగ్ అంతా అయిపోయింది, మీ గ్యాప్ చూసి మీరు చేస్తే బాగుంటది అన్నాడు” అని రాఘవేంద్రరావు గుర్తు చేసుకున్నారు. అయితే, కొన్ని కారణాల వల్ల, అంటే అప్పుడు ఉన్న బిజీ షెడ్యూల్స్, అప్పటికే కమిట్ అయిన ప్రాజెక్టుల మూలాన తాను ప్రభాస్‌ను పరిచయం చేయలేకపోయాను అని, ఆ అవకాశాన్ని కోల్పోయానని ఆయన విచారం వ్యక్తం చేశారు. ఆ రోజు ప్రభాస్‌ను పరిచయం చేసే అవకాశం వస్తే బాగుండేదని అన్నారు.

ఎస్.ఎస్. రాజమౌళి ప్రతిభను తాను ఎలా గుర్తించాననే విషయాన్ని కూడా రాఘవేంద్రరావు వివరించారు. రాజమౌళి తండ్రి, ప్రముఖ రచయిత విజయేంద్ర ప్రసాద్‌తో తనకు చాలా ఏళ్ల నుంచి మంచి అనుబంధం ఉందని, వారు కథల విషయంలో చాలా పట్టున్న వ్యక్తులు అని తెలిపారు. తరచుగా కథలు చర్చించుకునేవారని, తన సినిమాలకు కూడా వారి ఇన్‌పుట్స్‌ను వాడుకున్నానని చెప్పారు. ఒకసారి విజయేంద్ర ప్రసాద్ గారు వచ్చి, “మావాడు కొన్ని ఐడియాలు ఏదో ఉన్నాయండి సినిమా మీద, వాడికి కొన్ని ఐడియాలు ఉన్నాయి, ఒకసారి మీ దగ్గరికి” అని చెప్పినప్పుడు, రాఘవేంద్రరావు రాజమౌళిని కలిశారు. సినిమాలపై ఆసక్తి ఉన్నవారిని ప్రోత్సహించడంలో తనకు ఉన్న ఉత్సాహాన్ని ఆయన ఈ సందర్భంగా ప్రస్తావించారు.

సినిమాల్లో బిజీగా ఉన్న తాను సీరియల్ తీయాలని ఎందుకు అనుకున్నారు అనే ప్రశ్నకు సమాధానంగా, భవిష్యత్తులో సినిమాలు చేయకపోతే ఏమి చేయాలనే ఆలోచన నుంచి “శాంతినివాసం” సీరియల్ ఆలోచన వచ్చిందని రాఘవేంద్రరావు తెలిపారు. “సీరియల్స్ చేస్తే ఆల్మోస్ట్ సినిమా ఫీలింగే ఉంటుంది” అని, కథా చర్చలు, టైటిల్ సాంగ్ క్రియేషన్, రీ-రికార్డింగ్ వంటివి సినిమాల మాదిరిగానే ఉంటాయని వివరించారు. ఈ సీరియల్‌కు సరైన దర్శకుడు రాజమౌళి అని భావించి, ఆయనకు ఆ బాధ్యత అప్పగించారు. “శాంతినివాసం” సీరియల్‌ను తాను డైరెక్ట్ చేయాలనుకున్న సబ్జెక్ట్ అని, కుటుంబ సంబంధాలపై ఆధారపడిన ఈ కథను రాజమౌళి అద్భుతంగా డెవలప్ చేశాడని పేర్కొన్నారు.

ఎక్కువ మంది చదివినవి : Vijay Deverakonda – Allu Arjun: అర్దరాత్రి బన్నీకి కాల్ చేసిన విజయ్ దేవరకొండ.. అల్లు అర్జున్ రియాక్షన్ ఏంటంటే..