Mrunal Thakur : ధనుష్‏తో ప్రేమ, పెళ్లి.. స్పందించిన మృణాల్ ఠాకూర్ టీమ్.. ఏం చెప్పారంటే..

ఇటీవల నటి మృణాల్ ఠాకూర్ తమిళ సూపర్ స్టార్ ధనుష్‌ను వివాహం చేసుకోబోతున్నట్లు సోషల్ మీడియాలో ప్రచారం జరుగుతున్న సంగతి తెలిసిందే. ఈ రూమర్స్ పై ఇప్పటివరకు అటు ధనుష్.. ఇటు మృణాల్ స్పందించకపోవడంతో ఈ వార్తలకు మరింత బలం చేకూరింది. ఈ సంచలనం తర్వాత మృణాల్ ఠాకూర్ తన మొదటి పోస్ట్‌ను విడుదల చేసింది. కొన్ని శబ్దాల తర్వాత ప్రశాంతత , విశ్వాసం, బలమైన నమ్మకం వస్తాయని తెలిపింది. మృణాల్, ధనుష్ కొంతకాలంగా డేటింగ్‌లో ఉన్నారని .. త్వరలోనే పెళ్లి చేసుకోబోతున్నారని టాక్ నడిచింది. మృణాల్ తన చిత్రం సన్ ఆఫ్ సర్దార్ 2 ప్రీమియర్‌లో ధనుష్‌ను పలకరించడానికి పరుగెత్తుకుంటూ వచ్చినప్పటి నుండి వారి ప్రేమ వార్త మొదటగా మొదలైంది. అభిమానులు ఇందుకు సంబంధించిన వీడియో షేర్ చేస్తూ ప్రేమలో ఉన్నారంటూ ప్రచారం స్టార్ట్ చేశారు.

ఫిబ్రవరి 14, 2026న ప్రేమికుల దినోత్సవం నాడు ఈ జంట వివాహం చేసుకోవాలని ప్లాన్ చేస్తున్నట్లు వార్తలు వినిపిస్తున్నాయి. దీంతో ఇప్పుడు మరోసారి వీరిద్దరి ప్రేమకథ తెరపైకి వచ్చింది. మృణాల్ లేదా ధనుష్ ఈ వాదనలను అధికారికంగా ప్రస్తావించలేదు. తాజాగా ఈ రూమర్స్ పై క్లారిటీ వచ్చినట్లు తెలుస్తోంది. నివేదికల ప్రకారం మృణాల్ సన్నిహితులు ఈ రూమర్స్ పై రియాక్ట్ అయ్యారట.

మృణాల్ వచ్చే నెలలో వివాహం చేసుకోవడం లేదు. ఇది గాలివానగా మారిన ప్రచారం మాత్రమే అని మృణాల్ టీమ్ తెలియజేసింది. ఫిబ్రవరిలో మృణాల్ నటించిన సినిమా రిలీజ్ ఉందని, మార్చిలో మరో ప్రాజెక్ట్ ప్రేక్షకుల ముందుకు రాబోతుందని గుర్తు చేసింది. బిజీగా ఉన్న మృణాల్ ఇప్పుడు పెళ్లి చేసుకునే ఆలోచనలో లేదని స్పష్టం చేసింది.

ఎక్కువ మంది చదివినవి : Prabhas: ప్రభాస్ ఆకలి కోసం నేను దొంగతనం చేయాల్సి వచ్చింది.. ఆరోజు రాత్రి.. డార్లింగ్ బెస్ట్ ఫ్రెండ్ కామెంట్స్..

ఎక్కువ మంది చదివినవి : Child Artist: షూటింగ్‏లో యాక్సిడెంట్.. 2 ఏళ్లు నరకం అనుభవించా.. సూర్యవంశం చైల్డ్ ఆర్టిస్ట్..