కేక్‌లో విషం పెట్టి చిరంజీవిని చంపాలనుకున్నది ఎవరు.? ఆ మూవీ షూటింగ్‌లో ఏం జరిగింది.! 38 ఏళ్ల మిస్టరీ

సామాన్యుడిగా సినిమా ఇండస్ట్రీలోకి ప్రవేశించి, తన స్వయంకృషితో ‘మెగాస్టార్’గా ఎదిగిన చిరంజీవి కెరీర్ ఎందరికో స్ఫూర్తిదాయకం. ఎలాంటి సినీ నేపథ్యం లేకపోయినా, అడుగడుగునా ఎదురైన అవమానాలను ఎదుర్కొని ఆయన సాధించిన స్టార్‌డమ్ వెనుక రెండు దశాబ్దాల కఠోర శ్రమ ఉంది. కెరీర్ ఆరంభంలో చిరంజీవికి ఇండస్ట్రీలో చేదు అనుభవాలు ఎదురయ్యాయి. సహనటీమణులు కారులో చోటు ఇవ్వడానికి నిరాకరించడం, కొందరు హీరోయిన్లు ఆయనతో నటించమని అనడం, ఒక దర్శకుడు ఆయన నటనను ఎద్దేవా చేయడం లాంటి సంఘటనలు ఆయనను కుంగదీయలేదు. బదులుగా, తనలోని కసిని పెంచి, నటనలోనూ, డాన్స్‌లోనూ తనదైన ప్రత్యేక శైలిని సృష్టించుకునేలా చేశాయి. ‘ఖైదీ’ చిత్రంతో మొదలైన ఆయన ప్రభంజనం ‘అడవి దొంగ’, ‘విజేత’ లాంటి వరుస విజయాలతో ఆయనను ‘సుప్రీం హీరో’గా నిలబెట్టింది.

ఇది చదవండి: SPB నన్ను చూసి భయపడేవాడు.! అది ఆయన ఫీలింగ్.. కానీ అవకాశాలు రాకపోవడానికి కారణం..

షూటింగ్ సెట్‌లో విషప్రయోగం

చిరంజీవి ఎదుగుదలను సహించలేని వారు ఆయనపై విష ప్రయోగానికి కూడా వెనుకాడలేదని చెప్పే ఒక ఉదంతం అప్పట్లో సంచలనం సృష్టించింది. ‘మరణ మృదంగం’ సినిమా షూటింగ్ సమయంలో ఒక వ్యక్తి అభిమాని ముసుగులో వచ్చి, చిరంజీవికి విషం కలిపిన కేక్ ముక్కను బలవంతంగా తినిపించే ప్రయత్నం చేశాడు. చిరంజీవి ఆ కేక్ ముక్కను ఉమ్మివేసినప్పటికీ, దాని ప్రభావంతో ఆయన పెదవులు నీలం రంగులోకి మారాయి. వెంటనే స్పందించిన చిత్ర యూనిట్ ఆయనను ఆసుపత్రికి తరలించడంతో ప్రమాదం తప్పింది. ఈ ఘటన జాతీయ స్థాయిలో చర్చనీయాంశమైంది. ఈ ప్రాణాపాయ స్థితి నుంచి బయటపడిన తర్వాత చిరంజీవి తన ఆహారపు అలవాట్ల విషయంలో అత్యంత జాగ్రత్తగా ఉండేవారు. బయట పదార్థాలు తినడానికి ఇష్టపడేవారు కాదు. ప్రతికూలతలను దాటుకుని, కుట్రలను ఛేదించి ఆయన సాధించిన ఈ విజయం అసాధారణమైనది. కష్టపడితే అసాధ్యం అంటూ ఏదీ లేదని చిరంజీవి తన జీవితం ద్వారా నిరూపించారు.

ఇది చదవండి: మొద్దు శీను జైలు నుంచి ఆ లెటర్‌లో నాకు ఏం రాసాడంటే.. అప్పుడే చెప్పిన గొల్లపూడి