Bigg Boss Telugu: హోస్ట్‌గా మారిన శివగామి..మరి నాగ్ ఎక్కడ?

బిగ్ బాస్ హౌజ్‌లో హోస్ట్ సడన్‌గా ఛేంజ్ అయ్యారు. ఇదే నా మాట.. నా మాటే శాసనం అంటూ బిగ్ బాస్ హౌస్‌లోకి హోస్ట్‌గా గ్రాండ్ ఎంట్రీ ఇచ్చింది శివగామి రమ్యకృష్ణ. అసలు నాగ్ స్థానంలో ఈ సీనియర్ నటి కనిపించడంతో  బుల్లితెర ఆడియెన్స్ ఒక్కసారిగా షాక్‌తో పాటు సర్‌ఫ్రైజ్‌కి గురయ్యారు.

అసలు విషయంలోకి వెళ్తే…నాగార్జున తన బర్త్ డే వేడుకల కోసం స్పెయిన్ వెళ్లారు. ఆగస్టు 29న నాగార్జున బర్త్ డే కావడంతో అమల, సమంత, నాగచైతన్య, అఖిల్ అందరూ కలిసి స్పెయిన్‌లో బర్త్ డే టూర్‌లో ఉన్నారు. ఇంకా ఈ టూర్ కంప్లీట్ కాకపోవడంతో నాగార్జున ప్లేస్‌లో రమ్యకృష్ణకి తీసుకువచ్చారు బిగ్ బాస్ నిర్వాహకులు.  శని, ఆదివారాల్లో హోస్ట్ నాగార్జున ఎంట్రీ ఉండటంతో నేటి ఎపిసోడ్‌లో ఆయన ప్లేస్‌లో రమ్యకృష్ణ బిగ్ బాస్‌ షోకి హోస్ట్‌గా వ్యవహరించనుంది. ప్రస్తుతం శనివారం నాటి ఎపిసోడ్‌కి సంబంధించిన ప్రోమోను విడుదల చేసింది స్టార్ మా.  ఇక వీకెండ్ రావడంతో బిగ్ బాస్ చూసే ప్రేక్షకులందరూ ఎలిమినేషన్ గురించే ఆలోచిస్తున్నారు. మరి శివగామి బుల్లితెర హోస్ట్‌గా ఏ రేంజ్‌లో అదరగొడుతుందో చూడాలి.