Actress Surabhi: హీరోయిన్ సురభికి తప్పిన ప్రమాదం.. చావు నుంచి తప్పించుకున్నాను అంటూ పోస్ట్..
తెలుగు, తమిళం, కన్నడ భాషలలో మంచి గుర్తింపు తెచ్చుకుంది. సురభి చివరగా యంగ్ హీరో ఆది నటించిన శశి సినిమాలో కనిపించింది. మ్యూజిక్ పరంగా ఈ మూవీకి మంచి రెస్పాన్స్ వచ్చినా.. బాక్సాఫీస్ వద్ద డిజాస్టర్ అయ్యింది. దీంతో సురభికి మళ్లీ అంతగా క్రేజ్ రాలేదు. వెండితెరపై ఈ బ్యూటీ యాక్టివ్ కాకపోయినా సోషల్ మీడియాలో మాత్రం నిత్యం సందడి చేస్తుంది.
తెలుగు ప్రేక్షకులకు హీరోయిన్ సురభి సుపరిచితమే. బీరువా, ఎక్స్ ప్రెస్ రాజా, ఒక్క క్షణం వంటి చిత్రాలతో టాలీవుడ్ అడియన్స్కు దగ్గరయ్యింది. ఆ తర్వాత తెలుగులో అవకాశాలు రాకపోవడంతో తమిళంలో ఆడపాదడపా సినిమాలు చేస్తుంది. తెలుగు, తమిళం, కన్నడ భాషలలో మంచి గుర్తింపు తెచ్చుకుంది. సురభి చివరగా యంగ్ హీరో ఆది నటించిన శశి సినిమాలో కనిపించింది. మ్యూజిక్ పరంగా ఈ మూవీకి మంచి రెస్పాన్స్ వచ్చినా.. బాక్సాఫీస్ వద్ద డిజాస్టర్ అయ్యింది. దీంతో సురభికి మళ్లీ అంతగా క్రేజ్ రాలేదు. వెండితెరపై ఈ బ్యూటీ యాక్టివ్ కాకపోయినా సోషల్ మీడియాలో మాత్రం నిత్యం సందడి చేస్తుంది. అయితే ఇప్పుడు ఆమె ఇన్ స్టాలో షేర్ చేసిన పోస్ట్ నెట్టింట వైరల్ గా మారింది. జస్ట్ మిస్… చావు నుంచి తప్పించుకున్నామని.. ఊహించుకుంటేనే చాలా భయంగా ఉందంటూ రాసుకొచ్చింది.
అసలు ఏం జరిగిందంటే.. “మేము విమానంలో ప్రయాణిస్తుండగా.. ఎప్పుడూ జరగని ఓ సంఘటన ఎదురైంది. చావు అంచులదాక వెళ్లొచ్చాను అనిపించింది.. మేము ప్రయాణిస్తున్న విమానంలో సాంకేతిక లోపం కారణంగా ప్రమాధం జరిగే పరిస్థితి వచ్చింది. ఆ సమయంలో ఫ్లైట్ కంట్రోల్ లో లేకుండా పోయింది. ఫ్లైట్ లో ఉన్నవాళ్లంతా పడిపోయాం. నా గుండె జారి నోట్లోకి వచ్చినంత పనైంది.. కానీ కొన్ని గంటల తర్వాత పైలెట్ సురక్షితంగా ఫ్లైట్ ల్యాండ్ చేశారు. ఆ ఘటనని ఊహించుకుంటేనే భయంగా ఉంది. చావు నుంచి తప్పించుకున్నాను. జస్ట్ మిస్. ఇలా జరగడంతో నాలో ఉన్న పాజిటివ్ థింకింగ్ మీద నాకు మరింత నమ్మకం పెరిగింది” అంటూ రాసుకొచ్చింది. దీంతో సురభి పోస్ట్ నెట్టింట వైరలవుతుంది. కానీ ఈ ప్రమాదం గురించి పూర్తి వివరాలు తెలియరాలేదు. సురభి ఎక్కడికి వెళ్తుంది ? ఏరోజున ఈ ఘటన జరిగింది.. ? ఎక్కడ ? అనే విషయాలు తెలియరాలేదు.
ఇక సురభి సినిమాల విషయానికి వస్తే.. మెగాస్టార్ చిరంజీవి నటిస్తున్న విశ్వంభర సినిమాలో ఓ కీలకపాత్రలో నటిస్తుంది సురభి. అలాగే ఇకపై టాలీవుడ్ ఇండస్ట్రీలో సెకండ్ హీరోయిన్.. ముఖ్య పాత్రలు చేసేందుకు రెడీగా ఉన్నట్లు తెలుస్తోంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
