Jagapathi Babu : అందుకే ఎక్కడికి వెళ్లినా నా భార్య నా పక్కన రాదు.. కారణం ఇదే.. ఓపెన్ అయిన జగపతి బాబు..
జగపతిబాబు తన జీవితంలోని వ్యక్తిగత కష్టాలు, ఇల్లు అమ్మకం, ఆర్థిక ఇబ్బందులు, కుటుంబం ఇచ్చిన అండ గురించి ఓ ఇంటర్వ్యూలో పంచుకున్నారు. భార్య, పిల్లల మద్దతు, వారి త్యాగాల గురించి వెల్లడించారు. ప్రస్తుత తరం సినీ తారల అంకితభావం, నటన పట్ల వారి నిబద్ధతపై తన అభిప్రాయాలను చెప్పుకొచ్చారు.
టాలీవుడ్ సీనియర్ హీరో జగపతిబాబు ఇటీవల ఒక ఇంటర్వ్యూలో తన వ్యక్తిగత జీవితంలోని ఆటుపోట్లు, కుటుంబం అందించిన అండ, అలాగే ప్రస్తుత తరం సినీ తారల గురించి చెప్పుకొచ్చారు. తన జీవితంలోని కష్టాల గురించి, తన కుటుంబం ఎలా అండగా నిలిచిందనే విషయాలను వెల్లడించారు. ఆర్థికంగా ఇబ్బందులు పడుతున్న సమయంలో తన ఇల్లు అమ్మేసి, అప్పటికి కూడా మూడు కోట్ల రూపాయల అప్పు మిగిలి ఉందని జగపతిబాబు గుర్తు చేసుకున్నారు. లెజెండ్ సినిమా షూటింగ్లో వైజాగ్లో ఉన్నప్పుడు తన కుటుంబం ఇల్లు ఖాళీ చేసిందని, ఆ సమయంలో తాను అక్కడ లేకపోవడం వల్ల తన భార్య, పిల్లలు అనుభవించిన మానసిక వేదనను వర్ణించలేనని అన్నారు. అయితే, ఆ పరిస్థితులలో తాను అక్కడ ఉండడం కంటే, షూటింగ్లో పాల్గొనడం వల్ల ఆ సినిమా విజయవంతమైందని, అది తనను ఆర్థికంగా నిలదొక్కుకోవడానికి ఉపయోగపడిందని వివరించారు.
ఎక్కువమంది చదివినవి : Ramayana Trailer : ఏముందిరా బాబూ.. కుర్రాళ్లు తెగ వెతుకున్న చిన్నది.. రామాయణ ట్రైలర్లో తనే స్పెషల్..
జగపతిబాబు తన భార్య, పిల్లలు తన కష్ట సమయాల్లో ఏనాడూ తనను ప్రశ్నించలేదని, తన గైర్హాజరీ గురించి ప్రస్తావించలేదని తెలిపారు. అంతఃపురం సినిమా డబ్బింగ్ సమయంలో తన చిన్న కుమార్తెకు అత్యవసర వైద్యం అవసరమైతే, తన భార్య వంశీ సహాయంతో ఆ పరిస్థితిని ఒంటరిగా ధైర్యంగా ఎదుర్కొందని పేర్కొన్నారు. తన కుటుంబ సభ్యులు, ముఖ్యంగా తన భార్య చూపిన ఆత్మస్థైర్యం, త్యాగం తనకు ఎంతో బలాన్ని ఇచ్చాయని అన్నారు. తన కుటుంబం ఎప్పుడూ తనను ఇబ్బంది పెట్టలేదని, ఏనాడూ తనను ప్రశ్నించలేదని తెలిపారు.
ఎక్కువమంది చదివినవి : Tollywood : రూ.16 కోట్లతో తీస్తే 400 కోట్ల కలెక్షన్.. యావత్ దేశమే ఆశ్చర్యపోయేలా చేసిన సినిమా..
తన కుటుంబ సభ్యులు సినిమా పరిశ్రమకు చెందినవారు కాదని, అందుకే వారు పబ్లిక్గా కనిపించడానికి ఇష్టపడరని, ప్రచారం కోరుకోరని జగపతిబాబు స్పష్టం చేశారు. ఎక్కడికి వెళ్లినా తన పక్కన కాకుండా, వెనుక లేదా ముందు నడుస్తారని, వారి వ్యక్తిగత జీవితానికి వారు ఎంతో గౌరవం ఇస్తారని వివరించారు. వారి గురించి బహిరంగంగా మాట్లాడటం వారికి కూడా ఇష్టం ఉండదని తెలిపారు. దర్శకుడు సుకుమార్తో తనకున్న అనుబంధాన్ని పంచుకుంటూ, హనుమాన్ జంక్షన్ సమయంలో అసిస్టెంట్ డైరెక్టర్గా ఉన్న సుకుమార్తో తాను మంచిగా ఉండటం వల్ల, ఈరోజు ఆయన అద్భుతమైన పాత్రలను ఇస్తున్నారని అన్నారు. దర్శకుడు బుచ్చిబాబును మొదటిసారి చూసినప్పుడు “క్యూట్”గా, “లవబుల్ పర్సన్”గా అనిపించాడని జగపతిబాబు పేర్కొన్నారు.
ఎక్కువమంది చదివినవి : Aamani : సినిమాలు మానేసి సీరియల్స్ చేయడానికి కారణం అదే.. ఎట్టకేలకు ఆమని ఓపెన్ కామెంట్స్..
ఎక్కువమంది చదివినవి : ఎక్కువ మంది చదివినవి : K. Raghavendra Rao: ఆ హీరోయిన్తో 24 సినిమాలు చేశా.. అలాంటి చావు ఎవరికీ రాకూడదు.. డైరెక్టర్ రాఘవేంద్ర రావు..