Sonu Sood : మరోసారి గొప్పమనసు చాటుకున్న రియల్ హీరో.. చిన్నారికి గుండె ఆపరేషన్ చేయించిన సోనూసూద్..

Sonu Sood : లాక్‌డౌన్ సమయం నుంచి ఎంతో మంది పేదల పాలిట ఆపద్బాంధవుడిగా నిలుస్తున్న నటుడు సోనుసూద్‌ దేశమంతా ప్రసంశలతో ముంచెత్తుతుంది. షూటింగులతో బిజీగా ఉన్నప్పటికీ సోనూసూద్ ప్రజాసేవ మరిచిపోవడం లేదు. తనను స్ఫూర్తిగా తీసుకుని సేవలు చేస్తున్న వారిని సైతం కలుస్తూ వారికి సర్‌ప్రైజ్ ఇస్తున్నారు. తాజాగా  సోనూసూద్‌ మరోసారి తన గొప్పమనసు చాటుకున్నారు.  గుండె జబ్బుతో బాధపడుతున్న ఓ చిన్నారికి ఆయన సాయం చేశారు.

పశ్చిమ గోదావరి జిల్లా అన్నదేవరపేటకు చెందిన రామన వెంకటేశ్వరరావు, దేవి కూలీల ఎనిమిది నెలల కుమారుడికి ప్రాణదాత అయ్యాడు సోను సూద్. ఆ చిన్నారి గుండె సంబంధిత వ్యాధితో బాధపడుతున్నాడు. వైద్యానికి తగిన స్థోమత లేక తల్లిదండ్రులు సాయం కోసం ఎదురుచూస్తున్నారు.  అదే గ్రామానికి చెందినఓ యువకుడు బాలుడి పరిస్థితి గురించి నటుడు సోనూసూద్‌ ట్రస్టును సంప్రదించారు. అనంతరం చిన్నారి తల్లిదండ్రులు ముంబై వెళ్లి తమ కష్టాన్నిసోనూసూద్ కు వివరించారు. సోనూసూద్‌ వెంటనే బాలుడిని ముంబైలోని  నారాయణ హృదాలయ ఆస్పత్రిలో చేర్పించారు. అనంతరం బాలుడికి గుండె ఆపరేషన్‌ కు అయ్యే ఖర్చును భరించారు.

మరిన్ని ఇక్కడ చదవండి : 

ఆసక్తికర విషయాలను బయటపెట్టిన హీరోయిన్ రకుల్.. ఆ స్టార్ హీరోతో నాకు ఒప్పందం ఉంది అంటున్న బ్యూటీ..