Salaar Movie Update: ‘సలార్’ షూటింగ్ షూరు చేయనున్న ప్రభాస్.. మొదటి షెడ్యూల్ ఎక్కడంటే ?

పాన్ ఇండియా స్టార్ ప్రభాస్, కేజీఎఫ్ ఫేం ప్రశాంత్ నీల్ కాంబినేషన్లో తెరకెక్కుతున్న సినిమా ‘సలార్’. ఇప్పటికే విడుదలైన ఈ మూవీ ఫస్ట్ లుక్‏కి సూపర్ రెస్పాన్స్ వచ్చింది. ఇటీవలే రాధేశ్యామ్ మూవీ షూటింగ్ పూర్తిచేసిన ప్రభాస్.. తర్వాత సలార్ మూవీ చిత్రీకరణ కోసం సిద్ధమవుతున్నాడు. ఇప్పటికే ఈ సినిమాలోని హీరోయిన్స్ గురించి వార్తలు సోషల్ మీడియాలో చక్కర్లు కొడుతున్నాయి. ఇటీవలే ఈ సినిమా పూజా కార్యక్రమలు హైదరాబాద్‏లో జరిగింది.

విశ్వసనీయ వర్గాల నుంచి అందుతున్న సమాచారం ప్రకారం ఈ సినిమా షూటింగ్ మొదటి షెడ్యూల్ తెలంగాణలోనే పెద్దపల్లి జిల్లాలోగల రామగుండంలో జరగనుందట. యాక్షన్ సన్నివేశాలను ఇక్కడ షూట్ చేయనున్నట్లుగా తెలుస్తోంది. జనవరి 29 నుంచి ఫిబ్రవరి 12 వరకు ఈ మూవీకి సంబంధించిన కొన్ని యాక్షన్ సన్నివేశాలను చిత్రీకరించనున్నారట. ప్రభాస్‏తో సహా సినిమా మూవీ మొత్తం అందులో పాల్గోనడంతోపాటు.. శరవేగంగా షూటింగ్ పూర్తిచేసి.. వీలైనంత త్వరగా ప్రేక్షకుల ముందుకు తీసుకొచ్చేందుకు మేకర్స్ సన్నాహాలు చేస్తున్నారు.

Also Read:

‘స‌ర్కారు వారి పాట’ సరికొత్త రికార్డ్… సోషల్ మీడియాలో హల్‌‌‌‌చల్ చేస్తున్న సూపర్ స్టార్ ఫ్యాన్స్..