ఆర్జీవి ‘మర్డర్’ సెకండ్ ట్రైలర్ రిలీజ్.. డిసెంబర్‍లో విడుదల కానున్న మూవీ.. ఎప్పుడంటే..

వివాదాస్పద డైరెక్టర్ రామ్ గోపాల్ వర్మ తెరకెక్కిస్తున్న మర్డర్ సినిమా సెకండ్ ట్రైలర్ విడుదలైంది. గతంలో సంచనలం సృష్టించిన మిర్యాలగూడ అమృత, ప్రణయ్‏ల ప్రేమ కథ ఆధారంగా ఈ సినిమా చిత్రీకరణ జరుగుతున్న విషయం తెలిసిందే. పరువు కోసం అమృత తండ్రి మారుతీ రావు ప్రణయ్‏ను హత్య చేయించారు. కాగా రామ్ గోపాల్ వర్మ నేతృత్వంలో ఆనంద్ చంద్ర ఈ సినిమాకు దర్శకత్వం వహిస్తున్నాడు. ఇటీవల ఈ సినిమా విడుదలను ఆపాలంటూ హైకోర్టులో పిటిషన్ దాఖలు కాగా.. సినిమా రిలీజ్‏కు హైకోర్టు గ్రీన్ సిగ్నల్ ఇచ్చింది కూడా. ఈ సినిమాలో శ్రీకాంత్ అయ్యంగార్, సాహితీ ప్రధాన పాత్రల్లో నటిస్తున్నారు. ఇప్పటికే మర్డర్ సినిమా ఫస్ట్ ట్రైలర్ విడుదల అయ్యింది. ప్రస్తుతం ఈ సినిమా సెకంట్ ట్రైలర్ కూడా విడుదలైంది. డిసెంబర్ 24న ఈ చిత్రం ప్రేక్షకుల ముందుకు రానుంది.