Game Changer: గేమ్ ఛేంజర్ నుంచి లెటెస్ట్‌ అప్‌డేట్‌.. టీజర్‌పై ఆసక్తి పెంచేసిన ప్రోమో..
రామ్ చరణ్ హీరోగా తెరకెక్కుతోన్న గేమ్ ఛేంజర్ మూవీ శరవేగంగా షూటింగ్ జరుపుకుంటోంది. ప్రస్తుతం షూటింగ్ చివరి దశలో ఉన్న సినిమాను వచ్చే ఏడాది జనవరిలో విడుదల చేసేందుకు సిద్దమవుతున్నారు. ఇందులో భాగంగానే శుక్రవారం చిత్ర యూనిట్ టీజర్ విడుదల చేసేందుకు సిద్దమవుతోంది..
రామ్ చరణ్ హీరోగా, శంకర్ దర్శకత్వంలో తెరకెక్కుతోన్న చిత్రం ‘గేమ్ చేంజర్‌’. భారీ బడ్జెట్‌తో పాన్‌ ఇండియా రేంజ్‌లో తెరకెక్కుతోన్న ఈ సినిమాపై ఊహకందని అంచనాలు ఉన్నాయి. దేశవ్యాప్తంగా ఈ చిత్రాన్ని విడుదల చేసేసందుకు చిత్ర యూనిట్ సన్నాహాలు చేస్తోంది.
శంకర్ ఈ సినిమాను ఎంతో ప్రతిష్టాత్మకంగా తీసుకున్నారు. వరుస పరాజయాలతో ఇబ్బంది పడుతోన్న శంకర్ గేమ్ ఛేంజర్‌తో మరోసారి తన మార్క్‌ను చూపించేందుకు సిద్ధమవుతున్నారు. ఇక వచ్చే ఏడాది జవనరి 10వ తేదీన ఈ సినిమాను విడుదల చేయడానికి చిత్ర యూనిట్ సన్నాహాలు చేస్తోంది. ఇందులో భాగంగానే శనివారం గేమ్ చేంజర్‌ మూవీ టీజర్‌ను విడుదల చేయనున్నారు.
ఇదిలా ఉంటే టీజర్ విడుదలకు ఒకరోజు ముందే.. అంటే శుక్రవారం టీజర్ ప్రోమోను విడుదల చేశారు. 13 సెకన్ట నిడివితో ఉన్న ఈ ప్రోమో.. శనివారం రానున్న టీజర్‌పై అంచనాలను పెంచేసింది. బాయ్స్‌ హాస్టల్‌ను ఇందులో చూపించారు. ఆ తర్వాత చెర్రీ హెలికాప్టర్‌ నుంచి దిగుతున్న షార్ట్‌ కనిపించింది. దీంతో అసలు ఈ సినిమా కాన్సెప్ట్‌ ఏంటన్న క్యూరియాసిటీ పెరిగిపోయింది.
గేమ్ ఛేంజర్ టీజర్ ప్రోమో..
దీంతో ఈ ప్రోమో టీజర్‌పై అంచనాలను పెంచేసింది. అదే విధంగా శంకర్ ఈసారి ఎలాంటి కథతో ప్రేక్షకుల ముందుకు రానున్నారన్న ఆసక్తి కూడా నెలకొంది. తెలుగుతో పాటు తమిళ, హిందీ భాషల్లో ఈ సినిమాను విడుదల చేయనున్నారు. ఈ సినిమాకు కార్తీక్‌ సుబ్బరాజ్‌ కథను అందించారు. ఈ సినిమాకు సాయి మాధవ్‌ బుర్రా డైలాగ్స్‌ రాశారు. మరి ఈ సినిమా ఇండియన్‌ ఫిల్మ్‌ ఇండస్ట్రీపై ఎలాంటి ముద్ర వేస్తుందో చూడాలి.
మరిన్ని సినిమా వార్తల కోసం క్లిక్ చేయండి..