Acharya Movie : ‘ఆచార్య’ సెట్లో అడుగు పెట్టనున్న మరో హీరోయిన్.. చరణ్కు జోడీగా బుట్టబొమ్మ..?
మెగా స్టార్ చిరంజీవి స్టార్ డైరెక్టర్ కొరటాల శివ దర్శకత్వంలో తెరకెక్కుతున్న సినిమా ఆచార్య. ఈ సినిమా షూటింగ్ శరవేగంగా జరుగుతుంది. ఇక ఈ సినిమాలో కీలక పాత్రలో..
Acharya Movie : మెగాస్టార్ చిరంజీవి స్టార్ డైరెక్టర్ కొరటాల శివ దర్శకత్వంలో తెరకెక్కుతున్న సినిమా ఆచార్య. ఈ సినిమా షూటింగ్ శరవేగంగా జరుగుతుంది. ఇక ఈ సినిమాలో కీలక పాత్రలో మెగా పవర్ స్టార్ రాంచరణ్ నటిస్తున్నారు. ఈ సినిమాలో మెగాస్టార్ రెండు డిఫరెంట్ షేడ్స్ ఉన్న పాత్రలో కనిపించనున్నారు. దానిలో ఒకటి నక్సలైట్ పాత్ర అని తెలుస్తుంది. ఇటీవలే ఈ సినిమా షూటింగ్ లో చరణ్ పాల్గొన్నాడు. చరణ్ ను షూటింగ్ కు సెట్ కు స్వాగతం పలుకుతూ.. ఓ పోస్టర్ ను కూడా విడుదల చేశారు చిత్రయూనిట్.
దాదాపు 40 నిమిషాల నిడివి గల ‘సిద్ధ’ పాత్రలో చెర్రీ పవర్ ఫుల్ గా కనిపించనున్నాడట. కాగా ఈ సినిమాలో చిరంజీవి సరసన హీరోయిన్ గా కాజల్ అగర్వాల్ నటిస్తుండగా.. చరణ్ కు కూడా జోడీ ఉండనుందని మొదటినుంచి ప్రచారం జరుగుతుంది. కాగా చరణ్ సరసన బాలీవుడ్ బ్యూటీ కియారా అద్వానీని తీసుకుంటున్నారని మొదట వార్తలు వచ్చాయి. ఆతర్వాత లక్కీ బ్యూటీ రష్మిక మందన పేరు వినిపించింది. లేటెస్ట్ అప్డేట్ ప్రకారం.. రామ్ చరణ్ సరసన పూజా హెగ్డే నటించబోతోందని తెలుస్తుంది. చరణ్, పూజల మధ్య ఓ పాట కూడా ఉండనుందట. ఇక ఈ సినిమా టీజర్ ను జనవరి 26న గణతంత్ర దినోత్సవం సందర్భంగా ప్రేక్షకుల ముందుకు తీసుకు వచ్చేందుకు సన్నాహాలు చేస్తున్నారు. ఈ మూవీ చిత్రీకరణ త్వరగా పూర్తిచేసి సమ్మర్ లో విడుదల చేయాలనీ చూస్తున్నారు మేకర్స్.
మరిన్ని ఇక్కడ చదవండి :
RRR Movie Update: దర్శకదీరుడికి షాక్ ఇచ్చిన ఐరిష్ నటి.. ఆనందంలో అభిమానులు.. షాక్లో చిత్రయూనిట్..