Hi Nanna: ఇట్స్ అఫీషియల్.. ఆ ఓటీటీలోకి వచ్చేస్తోన్న ‘హాయ్ నాన్న’.. స్ట్రీమింగ్ ఆరోజు నుంచే..

న్యాచురల్ స్టార్ నాని నటించిన లేటేస్ట్ సూపర్ హిట్ మూవీ హాయ్ నాన్న. డైరెక్టర్ శౌర్యువ్ దర్శకత్వం వహించిన ఈ ఫీల్ గుడ్ ఎమోషనల్ మూవీలో సీతారామం బ్యూటీ మృణాల్ కథానాయికగా నటించింది. డిసెంబర్ 7న విడుదలైన ఈ సినిమా విజయాన్ని అందుకుంది. తండ్రికూతురు బంధం.. అందమైన ప్రేమకథతో అడియన్స్ ముందుకు వచ్చిన ఈ సినిమాకు అన్ని వర్గాల అడియన్స్ నుంచి సూపర్ రెస్పాన్స్ వచ్చింది. అలాగే తండ్రి పాత్రలో మరోసారి ఆకట్టుకున్నాడు నాని. ఇందులో న్యాచురల్ స్టార్ కూతురిగా కియారా ఖన్నా నటించింది. అటు కంటెంట్ పరంగానే కాకుండా ఇటు మ్యూజిక్.. డైరెక్షన్‏తోనూ సినిమా హిట్ అయ్యిందనే చెప్పాలి. థియేటర్లలో సక్సెస్ అయిన ఈ సినిమా ఇప్పుడు ఓటీటీలోకి వచ్చేస్తుంది. విడుదలైన నెల రోజుల కంటే ముందే డిజిటల్ ప్లాట్ ఫామ్ పై అడియన్స్ ముందుకు రాబోతుంది ఈ సూపర్ హిట్ మూవీ. తాజాగా శనివారం ఉదయం ఈ మూవీ స్ట్రీమింగ్ డేట్ గురించి అఫీషియల్ గా ప్రకటించారు మేకర్స్.

హాయ్ నాన్న సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫాం నెట్ ఫ్లిక్స్ సొంతం చేసుకుందట. వచ్చే ఏడాది జనవరి 4 నుంచి ఈ సినిమా స్ట్రీమింగ్ కానుందని నెట్ ఫ్లిక్స్ అధికారికంగా ప్రకటించింది. తెలుగుతోపాటు.. హిందీ, మలయాళం, కన్నడ, తమిళం భాషలలో ఈ సినిమా అందుబాటులో ఉంటుంది.  “మీతో ఎప్పుడూ ఉండిపోవడానికి వచ్చేశారు యష్న (మృణాల్ ఠాకూర), మహీ (కియారా ఖన్నా), విరాజ్ (నాని). హాయ్ నాన్న సినిమా నెట్ ఫ్లిక్స్ లో తెలుగు, తమిళం, మలయాళం, కన్నడ, హిందీ భాషల్లో జనవరి 4 నుంచి స్ట్రీమింగ్ కానుంది” అంటూ ట్వీట్ చేసింది. ఇప్పటివరకు థియేటర్లలో ఈ సినిమాను మిస్ అయిన వారు ఇప్పుడు నేరుగా ఇంట్లోనే చూసేయ్యోచ్చు.

Love is in the air, and so is our excitement ❤️🌟 Join @NameisNani and #MrunalThakur in their journey of finding love in Hi Nanna.

Hi Nanna, streaming from 4th January in Telugu, Tamil, Malayalam, Kannada and Hindi on Netflix. 👨‍👩‍👧#HiNannaOnNetflix pic.twitter.com/zTy8cY7jnX

— Netflix India (@NetflixIndia) December 30, 2023

హాయ్ నాన్న థియేటర్లలో విడుదలై ఇంకా నెల రోజులు పూర్తి కాలేదు. నిజానికి ఈ సినిమా జనవరి 17న ఓటీటీలోకి వస్తుందని ప్రచారం నడిచింది. కానీ అనుకున్న సమయానికి కంటే ముందే ఈ సినిమాను ఓటీటీలోకి తీసుకువస్తున్నారు మేకర్స్.ఈ సినిమాలో నాని, మృణాల్ జోడి ప్రేక్షకులను విపరీతంగా ఆకట్టుకుంది. అలాగే ఎమోషనల్ కంటెంట్ తో అడియన్స్ హృదయాలను టచ్ చేయడంలో డైరెక్టర్ శౌర్యువ్ సక్సెస్ అయ్యాడు.

Hi. Meetho eppudu undipodaaniki vacchesaaru Yashna, Mahi, and Viraj. 🥰 Hi Nanna, streaming from 4th January in Telugu, Tamil, Malayalam, Kannada and Hindi on Netflix. 👨‍👩‍👧#HiNannaOnNetflix pic.twitter.com/pbDnNaf19M

— Netflix India South (@Netflix_INSouth) December 30, 2023

మరిన్ని సినిమా వార్తల కోసం ఇక్కడ క్లిక్ చేయండి.