Na Wife Missing Review : నా వైఫ్ మిస్సింగ్ సినిమా రివ్యూ.. ఆహాలో వచ్చిన సినిమా మెప్పించిందా..?
‘కొత్త బంగారు లోకం’ లాంటి సంచలన సినిమా తర్వాత దాదాపు 20 ఏళ్ళు గ్యాప్ తీసుకుని వరుణ్ సందేశ్, శ్వేతాబసు ప్రసాద్ నటించిన సినిమా ‘నా వైఫ్ మిస్సింగ్’. ఆహాలో నేరుగా విడుదలైన ఈ సినిమా ఎలా ఉందో పూర్తి రివ్యూలో చూద్దాం..
మూవీ రివ్యూ: నా వైఫ్ మిస్సింగ్
నటీనటులు : వరుణ్ సందేశ్, శ్వేతా బసు ప్రసాద్, ప్రవీణ్, సత్య శ్రీ తదితరులు
సినిమాటోగ్రఫీ: NS సతీష్ కుమార్
సంగీతం: సాయి కార్తీక్
ఎడిటింగ్: సాయి బాబు తలారి
దర్శకత్వం: స్వాతి ప్రకాష్ మంత్రిప్రగడ
నిర్మాత: శివ కంటెపూడి
ఓటీటీ ప్లాట్ ఫామ్: Aha
ఓటీటీ స్ట్రీమింగ్ డేట్: అక్టోబర్ 22, 2026
‘కొత్త బంగారు లోకం’ లాంటి సంచలన సినిమా తర్వాత దాదాపు 20 ఏళ్ళు గ్యాప్ తీసుకుని వరుణ్ సందేశ్, శ్వేతాబసు ప్రసాద్ నటించిన సినిమా ‘నా వైఫ్ మిస్సింగ్’. ఆహాలో నేరుగా విడుదలైన ఈ సినిమా ఎలా ఉందో పూర్తి రివ్యూలో చూద్దాం..
కథ:
బాల సుబ్రమణ్యం (వరుణ్ సందేశ్) వృత్తిరీత్యా ఓ బ్యాంకులో అసిస్టెంట్ మేనేజర్‌గా పనిచేస్తుంటాడు. పెద్దలు కుదిర్చిన పెళ్లిలో స్వప్న (శ్వేతా బసు ప్రసాద్)తో అతని వివాహం జరుగుతుంది. అయితే పెళ్ళైన కొత్త నుంచే ఆ భార్యాభర్తల మధ్య సఖ్యత లోపిస్తుంది, తరచుగా మనస్పర్థలతో గొడవలు పడుతుంటారు. ఇలాంటి పరిస్థితుల్లో ఇద్దరూ కలిసి గుడికి వెళ్లిన సమయంలో స్వప్న సడెన్‌గా మాయమవుతుంది. తన భార్య కనిపించడం లేదంటూ బాల సుబ్రమణ్యం పోలీస్ స్టేషన్‌లో కంప్లైంట్ ఇస్తాడు. అసలు గుడిలో ఉన్న స్వప్న ఏమైంది? ఆమె ఎటో వెళ్లిపోయిందా లేక ఎవరైనా కిడ్నాప్ చేశారా? భార్యను వెతికే క్రమంలో ఈ భర్తకు ఎదురైన సవాళ్లు ఏంటి? వాళ్లిద్దరి మధ్య దూరం పెరగడానికి అసలు రీజన్ ఏంటి? అన్నదే ఈ సినిమా మెయిన్ ప్లాట్.
కథనం:
థ్రిల్లర్ సినిమాలకు స్క్రీన్ ప్లే చాలా కీలకం. ఈ విషయంలో డైరెక్టర్ నాన్-లీనియర్ పద్ధతిని (ముందుకూ వెనకకూ వెళ్లే విధానం) ఫాలో అవుతూ కథను ముందుకు తీసుకెళ్లిన తీరు బాగా వర్కవుట్ అయింది. సినిమా మొదలైనప్పటి నుంచి భార్యాభర్తలు ఇద్దరి మీదా ప్రేక్షకుడికి ఒక రకమైన అనుమానం కలిగేలా సీన్స్ రాసుకోవడం సినిమాకు ప్లస్ అయ్యింది. ముఖ్యంగా కథలో వచ్చే రెండు మెయిన్ ట్విస్టులు ఆడియన్స్‌ను ఆకట్టుకుంటాయి. అయితే ఆ ట్విస్టులు ఇంకాస్త బలంగా పండాలంటే క్యారెక్టర్స్ మధ్య స్ట్రాంగ్ ఎమోషనల్ కనెక్షన్ ఉండాలి, కచ్చితంగా ఆ విషయంలో ఈ మూవీ అక్కడక్కడా స్లో అయినట్లు అనిపించినా కూడా ఆడియన్స్ పక్కకు వెళ్లకుండా ఆపగలిగే స్క్రీన్ ప్లేతోనే వచ్చింది. ఒక కీలకమైన క్యారెక్టర్ నిజాలు తెలుసుకుని సడెన్‌గా తన మనసు మార్చుకునే సీన్ చూస్తే ఆడియన్స్‌కు మోస్తరుగా కనెక్ట్ అవుతుంది. అలాగే సినిమా నిడివిని వీలైనంత తక్కువగా ఉంచాలనే తొందరలో దర్శకురాలు చాలా సీన్స్‌ను డీటెయిల్డ్‌గా చూపించకుండా పైపైన టచ్ చేస్తూ వెళ్లిపోయారు. సస్పెన్స్ రివీల్ చేసే విధానం ఇంకాస్త ఉత్కంఠభరితంగా ప్లాన్ చేసుకుని ఉంటే ఇంకాస్త బాగుండేది. ఇక క్లైమాక్స్ కూడా బాగానే డీల్ చేసారు. కోర్టు రూమ్ డ్రామాలను ఇష్టపడే ప్రేక్షకులకు మాత్రమే ఈ స్క్రీన్ ప్లే రుచిస్తుంది.
నటీనటులు:
‘కొత్త బంగారు లోకం’ సినిమా తర్వాత మళ్ళీ చాలా ఏళ్లకు స్క్రీన్ షేర్ చేసుకున్న వరుణ్ సందేశ్, శ్వేతా బసు ఇద్దరూ తమ తమ క్యారెక్టర్లకు 100 శాతం న్యాయం చేశారు. సినిమా అంతటా వీళ్ల మీద ఒక డౌట్ క్రియేట్ చేయడంలో ఈ జంట సక్సెస్ అయింది. నిజానిజాలు బయటపడే సీన్స్‌లో కూడా ఇద్దరి యాక్టింగ్ చాలా సెటిల్డ్‌గా ఉంది. మిగిలిన సపోర్టింగ్ క్యారెక్టర్స్‌లో ప్రవీణ్, మోహిత్ తో పాటు జబర్దస్త్ ఫేమ్ సత్య శ్రీ తమ పరిధి మేరకు నటించి మెప్పించారు.
టెక్నికల్ టీం:
సాయి కార్తీక్ అందించిన మ్యూజిక్, బ్యాక్ గ్రౌండ్ స్కోర్ థ్రిల్లర్ మూడ్‌కు పర్ఫెక్ట్‌గా సెట్ అయ్యాయి. సతీష్ కుమార్ కెమెరా వర్క్ సినిమాకు తగ్గట్లుగా ఉంది. నిర్మాణ విలువల పరంగా, ఎడిటింగ్ పరంగా సినిమాకి ఎంత అవసరమో అంత నీట్‌గా అందించారు. దర్శకురాలు స్వాతి ప్రకాష్ మంత్రిప్రగడ కొన్ని సీన్స్ వరకు మెప్పించినా, ఓవరాల్‌గా ఎమోషన్స్ వర్కవుట్ చేయడంలో మాత్రం యావరేజ్ మార్కులు వేయించుకున్నారు. స్క్రీన్ ప్లే ఇంకాస్త టైట్‌గా రాసుకుని ఉండుంటే ఇది చాలా మంచి సినిమా అయ్యుండేది. అయినా కూడా ఈ వీకెండ్‌కు డీసెంట్‌గా ఇంట్లో కూర్చుని చూడ్డానికి నా వైఫ్ మిస్సింగ్ బెస్ట్ ఆప్షన్.
పంచ్ లైన్:
ఓవరాల్‌గా నా వైఫ్ మిస్సింగ్.. ఇంట్రెస్టింగ్ ఫ్యామిలీ డ్రామా..!