Cinema : నిజమైన సంఘటనలతో సినిమా.. క్షణక్షణం ఊహించని మలుపులు.. ఓటీటీలో ట్రెండింగ్ మూవీ..
ప్రస్తుతం ఓటీటీలో ఒక కొత్త సినిమా తెగ ట్రెండ్ అవుతుంది. దాదాపు 91 నిమిషాల నిడివి ఉన్న ఆ మూవీ 2026 ఆగస్టు 21న నెట్ఫ్లిక్స్లో విడుదలైంది. రిలీజ్ అయిన వెంటనే ఈ సినిమా ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో మంచి రెస్పాన్స్ అందుకుంది. ఇప్పుడు ఈ మూవీ అత్యంత ప్రజాదరణ పొందిన సినిమాల జాబితాలో అగ్రస్థానానికి చేరుకుంది. ఇంతకీ ఆ సినిమా గురించి తెలుసుకుందామా.
ప్రస్తుతం ఓటీటీ ప్లాట్ఫారమ్లలో క్రైమ్ , థ్రిల్లర్ సినిమాలు బాగా ప్రాచుర్యం పొందుతున్నాయి. నెట్ఫ్లిక్స్లో ప్రసారమవుతున్న 91 నిమిషాల మెక్సికన్ క్రైమ్-యాక్షన్ థ్రిల్లర్ ఒకటి ప్రేక్షకుల దృష్టిని ఆకర్షిస్తోంది. ఆసక్తికరంగా, ఈ సినిమా కథ కల్పితం కాదు, కుప్రసిద్ధ డ్రగ్ లార్డ్ జోక్విన్ ‘ఎల్ చాపో’ గుజ్మాన్ను 2016లో తిరిగి పట్టుకున్న నిజ జీవిత సంఘటన నుండి తెరకెక్కించారు. ఈ సినిమా కథ ఆర్టురో కార్మోనా, హెక్టర్ రోసాలే అనే ఇద్దరు మెక్సికన్ ఫెడరల్ పోలీస్ అధికారుల చుట్టూ తిరుగుతుంది. వారి సాధారణ విధి ముగింపులో చివరి కొన్ని గంటల్లో జరిగిన ఒక సాధారణ ట్రాఫిక్ తనిఖీ వారి జీవితాలను శాశ్వతంగా మార్చేస్తుంది. ఇద్దరు అధికారులు దొంగిలించిన లైసెన్స్ ప్లేట్లు ఉన్న ఒక అనుమానాస్పద కారును ఆపుతారు. మొదట, కారులో ఎవరున్నారో వారికి తెలియదు. విచారించగా, తమ ముందు కూర్చున్న వ్యక్తి మెక్సికోలోని అత్యంత కుప్రసిద్ధ డ్రగ్ లార్డ్లలో ఒకడైన ఎల్ చాపో అని వారు గ్రహిస్తారు. ఈ సమయంలోనే ఒక ప్రాణాంతకమైన ఘర్షణ మొదలవుతుంది. ఆ ఇద్దరు పోలీసు అధికారులు ఒకవైపు చట్టాన్ని పాటించాల్సిన బాధ్యతకు, మరోవైపు అత్యంత శక్తివంతమైన కార్టెల్ భయానికి మధ్య చిక్కుకుంటారు.
ఎక్కువమంది చదివినవి : Comedian Sudhakar: ఒక్క సినిమాకు రూ.30 వేల రెమ్యునరేషన్.. ఆస్తులపై క్లారిటీ ఇచ్చిన నటుడు సుధాకర్..
జర్నలిస్ట్ హెక్టర్ డి మౌలియోన్ రాసిన నిజ జీవిత కథనాల ఆధారంగా దర్శకుడు ఛావా కార్టాస్ ఈ చిత్రాన్ని తెరకెక్కించారు. ఈ సినిమా కథ ఒక భారీ ఆర్మీ ఆపరేషన్తో ప్రారంభం కాదు. అత్యంత సాధారణంగా విధుల్లో ఉండే ఇద్దరు రోడ్డు రవాణా పోలీసులు—కార్మోనా (ఆల్ఫోన్సో హెర్రెరా), రోసేల్స్ (నోయ్ హెర్నాండెజ్)—సాధారణ చెకింగ్ సమయంలో ఒక దొంగిలించిన కారును అడ్డుకోవడంతో అసలు కథ మొదలవుతుంది. అయితే, ఆ కారులో ప్రయాణిస్తున్న వ్యక్తి మరెవరో కాదు, మెక్సికన్ పోలీస్ విభాగాలన్నింటికి దొరక్కుండా తిరుగుతున్న అంతర్జాతీయ డ్రగ్ మాఫియా డాన్ ఎల్ చాపో! ఊహించని విధంగా అత్యంత ప్రమాదకరమైన నేరస్థుడు తమ చేతికి చిక్కడంతో ఆ ఇద్దరు సాధారణ అధికారుల జీవితాలు ఒక్కసారిగా మలుపు తిరుగుతాయి.
ఎక్కువమంది చదివినవి : Eshwar Sai : ఆ టైంలోనే మాధురి నాకు కనెక్ట్ అయ్యింది.. ఆమె చాలా మంచిది.. నోరు విప్పిన ఫోక్ డ్యాన్సర్ ఈశ్వర సాయి..
‘ఫేసింగ్ ఎల్ చాపో’ సినిమా కథ, ఆపరేషన్ బ్లాక్ స్వాన్కు సంబంధించినది. జనవరి 8, 2016న మెక్సికోలోని సినలోవాలోని లాస్ మోచిస్లో ఎల్ చాపో తిరిగి పట్టుబడ్డాడు. అతను అంతకుముందు 2015లో ఒక సొరంగం ద్వారా మెక్సికన్ జైలు నుండి తప్పించుకున్నాడు. అరెస్టు తర్వాత జరిగిన ఈ సంఘటన సినిమా కథనంలో ఒక కీలకమైన ఘట్టం. మీకు ‘నార్కోస్’, ‘సికారియో’ లేదా నిజ సంఘటనల ఆధారంగా తీసిన క్రైమ్-థ్రిల్లర్లు నచ్చితే, ప్రస్తుతం నెట్ఫ్లిక్స్లో ‘ఫేసింగ్ ఎల్ చాపో’ తప్పక చూడాల్సిన సినిమా.
ఎక్కువమంది చదివినవి : Chalaki Chanti: వాడు నా పొట్ట కొట్టాడు.. నాకు అవకాశాలు రాకుండా చేశాడు.. చలాకీ చంటి..
ఎక్కువమంది చదివినవి : Aamani: నాకు లైఫ్ ఇచ్చింది ఆయనే.. ఆ హీరోతోనే ఎక్కువ సినిమాలు చేశా.. హీరోయిన్ ఆమని..